النص الرائع للأديب/أسامة نور الدين
والأداء الأروع من مجموعة الممثلين المسرحيين
وبخاصة أداء الممثل والمخرج الشاب شادي سرور وأداء المتألق خليل مرسي
يجعل من الصعب جدا تجاهل دراما كتلك في ظل تردي ظروف المسرح الآن
المسرح ليس دائماً ضحكات رخيصة وافيهات مبتذلة
وهذا ما أثبته مسرح الطليعة المعروض عليه حاليا مسرحية إكليل الغار
المأخوذة عن دراما بنفس الاسم نشرت عن ( الهيئة العامة للكتاب) منذ سنوات وفازت بأكثر من جائزة
أنصحكم بمشاهدتها لأنها فعلاً رائعة بكل المقاييس
العرض يبدأ 9مساءً وتذكرة الدخول 10 جنيه وتخفيض 50%للطلبة
13 comments:
مااااااااشي يا ست ملكـــة ، دي اللي بيسموهـا غيظـة حـرة غير مباااشـرة ، بس كويـــس إن الطليعة رجع يقدم نصوص جـيـدة ، على الله ألحف أروحها .
.
.
وتشكري ، وأنا واااثق في اختيارك .... فهروح ، وعلى رأي المثل أما نشوف نعرف نشـكـر ...
واللي تعرفه أحسن من ابن أخوه، لأنـك ما تضمنش الواد يكون طالع لأخواله !!!
.
مش كده ، ولا إيه ؟؟؟
وكويس قووي المعلومات اللي عن المؤلف من وكيبيديا دي ، برافو عليكي ...
نموذج مشـرف
أنا شوفت أكليل الغار قبل كدا في كذا مكان وخصوصًا في عروض مهرجانات الجامعات بصراحة النص قوي جدًا والعروض اللي شفتها كانت جيدة عمومًا دعوة جيدة اني اروح اشوف العرض ده بما اني من مدمني المسرح
محمد
ابراهيم
والله يافندم انا مبغيظكش ولا حاجة
أنا من بعد ماشفت العرض مباشرة صممت إني أكتب عنه هنا وأقول لكل الناس المهتمين بالفن ده عنه لأنه فعلا يستاهل
بس لعلمك بقى كان المفروض تشوف عرض"اعترافات مجنونة"بتاع محمود الحديني وأحمد عقل والاخراج للمبدع دايما سمير العصفوري
كان على الطليعة برضو
يعني لسة فيه أمل أهو في المسارح القومية
وأنا واثقةإن شاء الله إن عرض اكليل الغار هيعجبك وحبذا بقى لو جبت الكتاب يبقى يعني عز الطلب
احنا في الخدمة دائماً يافندم
نورتنا
محمد
يامرحبا يامرحبا أول زيارة تشرفني يامحمد متشكرة كتير ليك ويارب الزيارات متنقطعش
جميل أوي انك من مدمني المسرح
لعلمك مش كل الناس بتقدر الفن الرائع ده وكتير مش فاهمين حاجة عن المسرح الحقيقي اللي شبه بينقرض الآن لكنه مازال بيأوح يعني
ان شاء الله العرض يعجبك لما تشوفه وبرضو ابقى قوللي رأيك فيه
نورتني يامحمد وتسلم الايادي على ردك
كويس لانى كنت عايز اروح مسرح قريب ولسه مكنتش عارف اروح ايه
على فكرة جالى تاج ومررتهولك
طيب ما فيش ماتينيه؟؟؟؟؟؟؟؟
النص جيد ولاكن المخرج لم يوفاق فى الحفاظ على إيقاع العرض و لا فى تقديم التعبير الحركى بشكل جيد
محمد ياسر
اولا ازيك بقالي كتييير مشوفتكش يامحمد ان شالله تكون بخير
على فكرة فيه كمان عرض تقريبا له علاقة بنجيب سرور مش فاكرة كان حاجة ليه مثلا او عنه بس هو متعلق بيه بشكل أو بآخر
العرض اسمه"كان جدع"
بالاضافة لعرض اكليل الغار طبعا:)
ميرسي على التاجاااات اللي مررتهالي بس افضى ان شاء الله وارد عليهم
كاميليا
للأسف معتقدش ان فيه ماتينه
وإلا كنت قدرت أروحه انا:(
بس عمتاً انا اتمنى المواعيد تكون اتظبطت دلوقتي هناك شوية عن ما كانت يوم الافتتاح
ميرسي على زيارتك
الأستاذ/الأستاذة مجهول/ة الهوية
مش فاهمة يعني ايه ايقاع العرض
انما انا متفقة تماما معاك/ي إن التعبير الحركي في بعض المشاهد كان أكثر من اللازم بحيث عمل على تشتيت انتباه المتفرج بدل ما يركز ويفهم رموز الحركات
وان كنت برضو متصورة ان اللخبطة بتاعة اول يوم لما رحت كانت السبب في ده
مش عارفة بقى العيوب دي اتصلحت ولا لسة
نورتني/نورتيني
صباح الخير يا أجمل ملكة في الدنيا
أنا أسامة نور الدين مؤلف إكليل الغار
أشكرك كل الشكر على اهتمامك وكتابتك الموضوعية جدا
العرض اتشرف بحضظرك وحصل على إكليل الغار والشرف من كتابتك
أتمنى كل حاجة أكتبها تعجبك
كل لحظة إنتي بخير
واضح إنك قريتي النص
وكلامك خلاني في السما السابعة من السعادة
كل تقديري لشخصك الكريم
أسامة نور الدن
أسامة
بجد المفاجأة دي جميلة جداً ومش بعيدة عليك انك تجيب مفاجآت حلوة للناس كدة
والله يا أسامة أنا اللي عاوزة أشكرك لمليون سبب
أولاً علشان تشجيعك دايماً ليا وملحوظاتك اللي بجد بتفيدني جداً
وثانياً علشان العرض الرائع بجد اللي لحد النهاردة مش قادرة أنساه من كتر ما عجبني ورجعني أشوف مسرحيات تاني وأحضرا أحداث ثقافية مهمة زي دي
المدونة اتشرفت بيك يا أسامة ويارب دايماً من نجاح لنجاح بإذن الله
Post a Comment