Sunday, April 22, 2007

تاج لدواعي الرغي عن الذات حالياً

تاج وصلني من العزيزة جداً إيمان،و3 تيجان من صاحب الحدوتة المصرية محمد ياسر و من مادو أحدهم وبما إني في موود وقتي يدفعني دفعاً للرغي وخاصة الرغي عن ذاتي(سبحان مغير الأحوال) إذن لا مانع مطلقاً من إني أعمل منهم واحد باعتباره أول الغيث أما التانيين فربنا يسهلها بقى، نبدأ بالاستجواب بتاع ايمي
******

last beverage?
كابشتينو بأربع معالق سكر
...
last phone call?
هو التليفون مرنش من امبارح لكن اخر مكالمة كانت من زعرورة وكانت أجمل حاجة في يومي بجد
...
last instant message?
مع صاحب كوكب الأرض شادي
...
Last CD played?
سي دي لأغنية رق الحبيب أم كلثوم
...
Last time you cried?
مش فاكرة بس بقالي أكتر من 4 او 5 ايام مبكيتش بدموع يعني
...
Been cheated on you?
يتوقف على معنى الخيانة هنا
يعني خيانة بالمعنى الحرفي معتقدش
إنما لو بنعتبر الخيانة مثلا سر استأمنت حد عليه وافشاه
او حد موقفش جنبي في وقت ما احتاجته
يبقى أيوة حصل وكتير
... Lost someone special?
فقدان بالموت أيوة مرة واحدة
فقدان معنوي او فراق لكن لسة على قيد الحياة
كتيير برضو
...
Been depressed?
أكيد لأني إنسانة
...
List your 3 favourite colours..
كل درجات الأزرق في كل حاجة
كل درجات البمبي ماعدا الفوشيا الفاقع طبعاً
البني في الهدوم بس
...
This month have you made a new friend?
أيوة الحمد لله
...
laughed till you cried?
أيوة بتحصل معايا كتيييير
بس ببكي من كتر الضحك
مش ضحك وبيقلب بغم يعني
...
Met someone who changed your life?
مدرس الانجليزي بتاعي في الثانوية العامة
معرفش من غيره حياتي كانت هتمشي ازاي
بس أكيد مكنتش هتبقى زي ما هي دلوقتي أبداً ...
Found out who your true friends are?
أيوة و مازلت بستكشف
...
Is there something you want to tell someone?
هي حاجة واحدة دلوقتيعايزة أقولها لكل الناس اللي في حياتي وبحبهم وبيحبوني
أنا عارفة إني شخصية صعبة أحيانا(ان مكنش دائما)فشكراً علشان بتستحملوني
ولو بنسى اقولكم اني بحبكم
فلازم تكونوا متأكدين منها من غير كلام ومهما حصل
...
How many people as your top friends do you know in your real life?
كنت متخيلة أما أرد على السؤال هقول مش عارفة
بس سبحان الله،طلعوا أكتر من اتنين
ربنا يخليهملي:) ...
How many kids do you want to have?
كالعادة اتنين عشان يتربوا ويتعلموا ويعيشوا كويس إلخ إلخ
وحبذا لو بنتين وسنهم قريب من بعض
بس ساعات ببقى عايزة أجيب أكتر من 5 لمجرد إن محدش فيهم يحس بالوحدة أو إن البيت كبير عليه أبداً
...
Do you wanna change your name?
اطلاقا مطلقاً
ده هو اللي حيلتي :D
وبعدين حاجة مميزة صعب تتنسي
ثم ده اسمي يعني
هو الواحد هيتبرى من كام حاجة بالظبط؟؟
...
What did you do for your last birthday?
مش عايزة أفتكررررره اليوم ده خااالص
كان أحلى حاجة فيه إني خرجت أكلت بيتزا أنا ومامتي
وفاكرة جداً إني كمان كلت يومها شوكلاتة جالاكسي(هدية من مامتي برضو)ـ
دوول كفاية
...
what time you woke up today?
الثامنة صباحاً بسبب محاضرة الرواية
وكانت عندي رغبة ملحة إني أطوح الموبايل في أي حتة أبعد من اتنين ميل ونص
...
what were you doing at last midnight?
كنت في بيتنا تحديداً على السرير بقرا في رواية(تحديداً سارة رواية العقاد الوحيدة) وده كان
قبل النوم مباشرة
ألا مش عايزين شهود بالمرة طيب؟؟
...
Name something u can't wait for?
المكروباص؟ لأ بستناه غصب عن عيني
الأكل؟ لأ برضو أنا أساساً مش من هواة الأكل ولو جعانة ممكن جدا ماكلش عادي
الوظيفة؟ أكيد وحتماً لأ هو أنا غاوية بهدلة
العريس؟ لأ طبعاً، كان غيري أشطر
ممكن النتيجة بتاعة الكلية،بفضل على نار لحد ما بعرفها
أنا ممكن متوترش وانا داخلة امتحان مادة مش فاتحة إلا ربعها
لكن في انتظار النتيجة ببقى متوترة كذبابة فقدت جناحها الأيمن في حادث منزلي :(
...
what are you listening to now?
الصمت الرهييب يتخلله صوت تلفزيون الجيران اللي تحتنا:S
...
Have you ever talked about someone behind their back?
أيوة للأسف
...
What's the last piece of cloth you borrowed from some one?
مفيش لأني بكره للغاية ألبس حاجة حد أو حد يلبس حاجتي
...
Who's getting in ur mind right now?
هه؟ اشمعنى؟ (محاولة للشوشرة لا أكثر)ـ
...
Most visited webpage?
أكيد صفحة الايميل
بعدها مدونتي
بعدها مدونة الأخ إبراهيم اللي معاه
كدة بقوا 3 صفحات
مش مشكلة زيادة الخير تلاتة انا حرة بقى
*******
هذا وأقفل التاج في ساعته وتاريخه واعترف المتهم بكل شيء لكننا إلى الآن لم نعرف بعد ما هو هذا الشيء بالتحديد(اذبهلال)!!ـ

6 comments:

إبـراهيم ... معـايــا said...

أنـا عاوز أقول لك (برضووو) إنه من دواعي سروري ... أن تكون مدونتي رقم 3ف الموست فيسيتيد ويب بيج ( مش بيج ده يبقى لون برضـك) ... وأحب أقول لك تاني إنه من هذه اللحظـة يمكنكِ اعتبارك ذاكرة التيه ملكًا شخصيًا لكِ :)
تقريبًا مليش فيها إلا تاريخ القراءة ، وده أبقى أنقله شفوي .........
.
.
نفسي مـرة أرد على تاج :) ، مصر كلها باعتالي تاجات ، وأنا منفـض
.
.
حلوة ردودك
وأحلى منها إني عديت هنا أولاً :)
.
.
طبعًا :)
تحياااتي ... وصباااحــك .. ياسمين

ملكة said...

موضوع ذاكرة التيه خليه على جنب نتناقش فيه على الهواء مباشرة
ولو إني حاسة احساس غريب وعجيب في نفس ذات الوقت إني دبستك فيها لكن هنشوف

ويافندم مدونتك دون قصد مريحة للغاية وده شيء نادر حاليا

صباحك ياسمين انت كمان:)

واحـد معدي said...

هوا أنا كل ما أبص على مدونة ألاقي تاج ؟ ......عمومًا أجوبة المدونيني بتختلف ، وإنتي أجوبتك لظيظة ...

ملكة said...

واحد معدي
لظيظة؟؟؟
الكلمة دي مفيش غير شخصيتين في الحياة بيستخدموها
أنا واحدة منهم
يبقى الشخصية التانية أكيد عرفتها:D

أصل يا ضاكتور (واحد)التاج ده عامل زي دول الفلونزا لازم في فترة كدة تلاقي أمة لا إله إلا الله عندهم نفس الدور
آآآتشو
مشكرين على المرور والرد اللظيظ:)

أنـــا حـــــــــرة said...

بقى انا اسمى ييجى فى الآخر

دى اهانه لا يمحوها الا مج نسكافيه بلاك
:)

عموما العفو اننا مستحملينك لانى مش الصحاب دول طبعا و الله يا بنتى كلنا مستحملين بعضينا فمفيش شكرا بقى و كده

:)

اجاباتك لذيذة يا ملوكة

ملكة said...

من عيني يا ياسو بس اشوفك بس والنسكافيه عليا

لا استني بقى شوية عايزة افهم الجملة دي كويس
ممكن ترجمة طب؟
بجد والله مش فاهماها وعايزة افهمها

ومشكرين يابنتي على زيارتك دايما رافعة روحي المعدنية كدة