Tuesday, March 06, 2007

العلم نورن

مش لازم تدور فوق رف مكتبة علشان تقرا
يكفي إنك تمشي في الشارع علشان تلاقي ملايين الكتب مجاناً
بس حذار تضيع وقتك في كتاب ميستاهلش أو يأثر عليك بالسلب
وحذار أكتر
تضيع عينيك في قراية غلاف من غير كتاب
وغالبا هتلاقي الكتب اللي تستاهل اهتمامك فعلاً
جوة ومش باينة وسط كتب كتير عايزة الحرق

20 comments:

إبـراهيم ... said...

يا جااااااامــد إنتا يا جااامد ....

كتاب الحـيـاة


طبعًا مش عاوز أقول لك كتاب حياتي يا عين ، ما شفت زيه كتاااااب !!

الحب فيه سطرين (وهسة) والباقي كلله عزاب .............

بس إبقي فكريني برضك أتكلم عن موضوع الكتب ده

لحسن مرة حد قريبي سألني سؤال مهم ( بما إني ما نفيستو العيلة) ألا يا براهين هوا لازم أعرف الكتاب مين اللي مؤلفه
وصديقي الذي اختفى في ظروف غامضة كان بيناقشني نقاشًا طويلاً مستفيضًا (كنت هشد شعري منه) إنه لا أهمية لمؤلف الكتاب !!!

أما بقى كتاب الحياة !!!




واااااااااضح إني بقيت رغااااااي وعندي كبـ ـ ـ ـ ت

Hamed Ibrahim said...

كان أنيس منصور كاتب حاجة مش فاكر نصها قوي بس تقريبا

" لو كنت تصدق كل ما تقرأ .. فلا تقرأ"
!!

koukawy said...

انا كاتبه بوست بخصوص نفس الموضوع اسمه
امة اقرأ لا تقرأ

dandana said...

i could not agree any more

ياعينى ع الناس اللى بتجيب الخلاصة....

Mahmoud Serag said...

كدب اللى قال الكتاب بيبان من عنوانه .. لانه لم يستدل على العنوان .. الواحد ساعات كتير بيقرا العنوان يعجبه ، لكن لما يدخل جوه الكتاب و يعرف حقيقته بيكون خلاص الكتاب سرق من عمره و من عينيه و من روحه .
بس الواحد لازم يتعلم من كل كتاب يقراه علشان الكتاب اللى بعده
فعلاً العلم نورن
الله ينور يا مملكة
:)

إبـراهيم ... said...

ممممممممممممممممممم

ياه ، ياه ، يااااه !!


3 ياااه ...

عيني عليكي بارده


خمس تعليقات وإنتي تقلانه ع البشـر


عووووووودي يا ملكة ،
الشعب × انتظـارك


أنا قلت يمكمن نزلتي حاجة جديد :)

shady said...

إضافة .. أيضا هناك من الكتب ما يجبرك علي قراءتك ومنها أيضا ما يستحيل قراءته

اضافة الي نداء ابراهيم .. عوووووووودي يا هاميييييييس

مَلَكة said...

إبراهيم بيه

والله أنا خايفة ييجي يوم وأفكرك تفتكر اللي بتنساه كل يوم!

المؤلف كل لازمته إنه بيشف عقده وككلاكيعه الداخلية على ورق علشان الناس تقراه وتقول "يالهوي ده أنا بالظبط مش معقول"غير مدركين أصلاً إن سبحان الله يعني كلنا بني آدمين
ويخلق ما لا تعلمون!

"أما بقى كتاب الحياة"فده مؤلفه مش مهم على الإطلاق،راجع نفس السبب السابق وقول لصاحبك
ياعزيزي،سي لا فيي،واياكش تولع!
فكك عشان شكلي مهيسة أصلا
ميرسي كتيير على زيارتك يافندم،دونت بي لييت نيكست تايم
متعوأش يعني عشان انا عارفة ان ثقافتك سنغالية

مَلَكة said...

حامد

حمد الله على السلامة بقالي كتير مبشوفكش هنا:)
حلوة الجملة دي،أعتقد إن المفروض أصلا وإنت لسة بتبتدي قراية إن يكون عندك يقين تااام إن مش لازم الكتاب يكون صادق أبداً
يعني متتوقعش يكون صادق ومتتوقعش يكون زي ما انت عايزه،أفتكر كدة ممكن الواحد يطلع-بعد القراية-بأقل خسائر ممكنة

نورتني ياحامد

مَلَكة said...

koukawy
وماله يافندم مايضرش،توارد خواطر بيحصل،ومتنسيش برض"ك"إننا كلنا بني آدمين وطبيعي جدا تجاربنا تتشابه فنكتب الخلاصة في النهاية
على فكرة انا لسة مقرتش البوست بتاعك،بس أكيد هقراه يعني
مشكرة كتيير على زيارتك

مَلَكة said...

دندنة

أنا كمان موافقة على موافقتك
وبعدين المثل بيقول
ما الحياة إلا شوية خلاصات وملخصات فوق بعضها
أمال هنقعد طول السنة ندح من كتاب الوزارة يعني؟؟

تسلم الايادي يافندم على الرد والزيارة الحلوة دي:)

مَلَكة said...

سراج
عاوزة أوزع شربات وسندوشتات على زيارتك الكريمة للمدونة يافندم
ياألف ويلكم ومراحب

عارف،كان د.عبد العزيز حمودة بيقول
"Through suffering,one gains wisdom"
والواحد في النهاية مبيقراش ويتعلم ببلاش
ربما كتاب واحد يعلمك بعدها طول حياتك،إزاي تعرف تقرا بجد
ولا إييه؟

نورتني يافندم ومتغيبش بقى:)

مَلَكة said...

إبراهيم بيه كمان مرة

أنا مش تقلانة وربنا،ثم ازاي يعني واحدة في حالاتي الشكلية دي وتتقل صعادتك يعني؟أوزنها كدة:D

الفكرة بس إني كنت مبدخلش نت كتير وبس
وبعدين انا لو عارفة ان فيه شعب في انتظاري،كان زماني رشحت نفسي للرئاسة من زمان!
احم،لأ أقصد لرئاسة المدونة يعني،رئاسة مطبخ بيتنا،رئاسة أي حاجة تانية عشان محدش مخه يروح لبعيد يعني

لا جديد تحت الشمس للأسف سوى إن الشمس أورت دماغي من كتر ما استنيت تحتيها!

بالمناسبة،أنا في موود الرغي اليومين دول يعني دوس في الرغي ولا يهمك

مَلَكة said...

شادي

بالظبط كدة،أحياناً يجذبك كتاب لقرايته من الجلدة للجلدة
بل ويجبرك إنك تعتبره من مفضلاتك كمان
عشان كدة الواحد مش بيعتبر كل الكتب اللي قراها في حياته
favourites!

آآتووون،إني أحب(ههههههه)نورت يادكتور

Anonymous said...

سنغااااليـــة يا ملكة ؟؟؟؟


مناااااشي


الأمورة آيـة ، ولكل ظالم نهاية

مَلَكة said...

No offence
ياعم ابراهيم والله
نمشيها ايه طيب؟
ماهو انت ثقافاتك كتير
والواحد مش هيعد وراك بقى
شوف انت عندك اوبشنات ثقافية كتيرة
نقي اللي انت عايزه منها
إنت بس أشر على اللي انت عايزه
وانا اجيبلك ختم النسر عليها
ويجعله عااامر:D

هدى said...

انتي عارفة ان المشكلة ان الكتب بتبقى معروضة بالعرض مش بالطول عشان نعرف اذا كانت غلاف فقط ام كتاب

والمشكلة الاكبر ان مش كل الكتب الضخمة تحوي معلومات مهمة

ممكن تكون نفخة عالفاضي


يعني لا مفر من نسبة خطا

المه ما تزيدش عن تلاتة في المية

تحياتي

إبـراهيم ... said...

وبعدين لما أقول لك فكريني ، يبقى تفكريني

I am not Kiding !!!!

وهشوف البوست الجديد

مَلَكة said...

هدى
ازيك يابنتي واحشاني والله

اشمعنى 3%؟
أصل أنا بيتهيألي طالما الإنسان بيتخدع في الكتاب فمش معقول يقدر يتحكم في نسبة خداعه،او هكذا أتصور
أقولك حاجة
الكتب المفروض ييجي معاها تحذير
"هذا الكتاب لا يصلح للقراءة ولا يستحقها"
"هذا الكتاب يفضل قراءته أوقات معينة كي لا تكرهه"
"هذا الكتاب لا يحوي شيئاً لكن لابد أن تقتنيه"
"هذا الكتاب،فرصة لاتفوتها"!!

نورتيني

مَلَكة said...

اللي معاه

ماشي ياعم الحاج هفكرك،بس متزوقش كدة يعني،بس ايه المقابل(معاملة ميكيافيللية بحتة معلش)؟
يعني ال
reminder
بتاع موبايلك بياخد مقابل من البطارية والشحن،أنا عايزة المقابل بتاعي لتذكيرك شوكلاتة جالاكسي على كل حاجة افكرك بيها
معلش بقى بس
deal is the deal
وبين المفكراتي والناسي يفتح الله:D

سالخير(اذبهلال)؟