Sunday, August 12, 2007

تلاشي الأزرق

و بحركة بدت مندفعة جريئة، فكت عقدة ذراعيها و أبعدتهما لآخر حدودهما ، تخلصت من وضعها الجنيني المنكمش الذي كانت تتخذه منامًا. مستلقية على ظهرها؛ أفردت ساقها بقوة كأنها تحاول أن تحتل مساحات لم تشغلها قبلاً، مساحات كانت دومًا لها لكنها كانت تفضّل ألا تخوض فيها. لطالما كانت تجنح إلى أن تتكور حتى تصير في حجم طفل صغير .. هكذا كانت تشعر ببعض راحة فتخلد إلى نوم قلق. للمرة الأولى استمتعت بملمس برودة الجدار على أطراف أصابع أقدامها وأنامل يدها الطويلة الممشوقة. أغمضت عينيها على ابتسامة صغيرة وهي تتقلب على سريرها بحرية من استعاد أطرافه من جديد !

14 comments:

Masry said...

يارتني كنت زي ياسمين - لساني طويل يعني :)
انتي مبتنشريش ليه .. عايز سبب مقنع
رائع يا بنتي .. انتي كاتبة باحترافية و اسلوب سهل و وصلتي الفكرة
عموما دلةقتي ياسمين تيجي تقوم بالواجب :)
و اديني جيت بدري اهو .. علشان الحق البوست طازة و افضل محافظ علي موقعي
بالنسبة بقي للسؤال انتي مش غريبة .. انا شغال لنفسي دكتور نفسي بعد الظهر - بارت تايم يعني مع اني باخد فلوس كتير و كدة هخرب بيتي بس هنعمل ايه بقي .. منتي عارفة العقد و الكلاكيع :)
شوفتي خدتيني في الكلام و مقولتلكيش صباح الخير

Anonymous said...

امم ..لمستنى أوى ..علشان حاجة ..أنا علطول بنام و أنا متكورة و زى الجنين يالظبط ..بس الحالة دى بقت من سنة كده ..و فى إنتظار ما يدعونى إنى أفرد إيدى ..و ماأبقاش خايفة بمعنى اخر

..
استمرى ..أنا بستمتع بكتابتك يا ملوكتى

دعاء عبده said...

" مساحات كانت دوما لها لكنها كانت تفضل ألا تخوض فيها "


بوست جميل

مدونه رائعه

مصطفى الحسيني said...

مساء الفل
أنا حاسس بلأسف الشديد لأنى ما علقتش على أى بوست قبل كده عندك مع إنى بعدى عندك كتير
مدونتك حلوة جدا
تحياتى ليكى ولقلمك الواعى الجميل

إبـراهيم ... said...

... و قال على رأي المثل ..: إِمشي عِدِل ... يحتار عدوك .. فــيــك ..
.
.
.
أنا قلت أعدي :)

و صباح الفل

Unknown said...

أسلوبك جميل..
هذا المشهد جزء من قصة أو رواية..
أتنى أن أقرأها !

تحياتي

إيما said...

جميلة جدا يا ملوكة..زي كل حاجة بتكتبيها يعني يا جميلتي:)
أنا موجودة ومتابعة علي طول علي فكرة بس معلش معرفتش أعمل لك إزعاج وأعلق آخر تدوينات علشان كان عندي امتحانات (وش مسكين)..عايزة عمل كبير شوية المرة الجاية
ممكن؟؟
:)
تحياتي يا فندم

مَلَكة said...

آخر

عايز سبب مقنع؟؟
اممم خد عندك طيب

1. مش مقتنعة بمعظم اللي كتبته إنه يستاهل يتحط في كتاب وحد يروح يدفع فيه فلوس عشان يقراه

2. معنديش نصوص كفاية حتى عشان انشرها يادوب هما 10 قصص أو 9 باين وزيهم اللي انا بسميه شعر ده

3. لسة قدامي كتير عشان أعرف إذا كنت فعلا كاتبة محترفة ولا مجرد هاوية للموضوع ومش هكمل فيه

4. أنا مش مهتمة بمبدأ النشر كغاية بالنسبة للي بيكتب،هو مجرد وسيلة لغاية ما انا لسة مش قادرة احددها عندي لحد دوقتي

كفاية ولا أكمل؟؟

شوف هو انا بيتهيألي كلنا دكاترة نفسنا ومحدش بيبطل كلام مع نفسه طول اليوم انما فكرة انك تتكلم وتخرج أدق أسرارك بصوت عالي لحد يسمعها في حد ذاتها فيها نوع من التطهير
ده مش هيحصل مع صديق لأنك بتحاول تكتسب ثقة وف نفس الوقت خايف على أسرارك ضيف على كدة إنك مش عايز بعد ما تتجاوز مرحلة الفضفضة تطلع من المولد بلا حمص زي ما بيقولوا
انت عايز حل للي انت قولته ده وإلا مكنتش تعبت نفسك وقولته اساسا

وشفت انت كمان خليتني قعدت أرغي لحد ما المدونة اتملت بلالين صابون
صباح النور :)

مَلَكة said...

مهموهتي

يابنتي مش قلتلك توأم؟
أنا بدأت أغير طريقة الانكماش دي لأني زهقت منها وبعدين بقعد أسأل نفسي سؤال
طيب كل ده سرير وانتي يابت سايباه وواخدة ركن لييييه؟توفير؟؟

مستنيالك اليوم اللي تيجي تقولي فيه إنك اتخلصتي من وضع الجنين المتكور في النوم ده وإنك أخيراً بقيتي بتفردي ايدك ورجلك للآآآآخر:)

مَلَكة said...

دعاء عبده

أنتِ أروع يا دعاء

شكراً للصبح على زيارتك الحلوة دي:)

مَلَكة said...

مصطفى الحسيني

مش معقول يافندم طب استنى أتأكد إنك بجد هنا ورديت في تدوينة كمان!!!
دعني أؤكد لك إني أنا اللي حاسة بالأسف إنك كنت بتعدي في صمت وحارم المدونة من كلامك الرقيق ده يا مصطفى
شكراً جزيلاً لك ويارب متتأخرش علينا تاني:)

مَلَكة said...

إبراهيم

هو صباح الخير والنور
وكل التحية للمرور والرد والصباح
بس المثل مش فاهمة إيه اللي جاب القلعة جنب النيل طيب؟؟

كل التحية-رغم المثل العجيب

مَلَكة said...

دافنشي

بتقول فيها؟
عارف لما جملة تيجي في دماغك وتكون هي مصدر الهامك لرواية بحالها؟

أنا كمان أتمنى أقرا الرواية دي في يوم من الأيام بس معتقدش هيكون فيها المقطع ده!!

نورت يافنان

مَلَكة said...

إيما

انتي تعملي ازعاج؟
يابنتي انا كنت بقول عنك انك إنسانة ذوق بطريقة غريبة تقومي تقولي ازعاج؟؟
عيب عليكي يا إيمي

مقولتيش اخبار الامتحانات معاكي ايه طيب؟

عموما ادعي لي ربنا يفرجها عليا بنص جديد محترم:)

تحياتي يا ايما واوعي تغيبي