Tuesday, August 28, 2007

ممنوعات

بالأمس مصادفة

اكتشفت أن كل ما منعني عنه الطبيب

أسود !!

12 comments:

M.R said...

الاسود...؟
ربما لأنه لون الهاربين من الموت

خلي بالك... لأنه مجرد دكتور يعني لولا
الخمسين ف المية الزيادة كان زمانه محامي

شقلوطة said...

و ماذا عن الرمادى يا أخت ملكة ؟؟
أظنه فى بعض الأحيان أقسى و ألعن من الأسود

أنـــا حـــــــــرة said...

w da l 3ieb f el aswed am feena na7n man nose2 elayhe dawman ? ,>

نمنماية said...

طيب كويس انه منعك منه
علشان ساعات الواحد بيروح للاسود برجليه

مادو said...

خلاص خليكي في الأبيض
كلي قلب الخس و راس الكرنب

ادم المصري said...

غريبة جدا
.
.
.
ايه الروشته اللي كلها تفاؤل دي
.
.
.
علي فكرة الدكتور دا غالبا كومدي
لازم يديلك بعض السواد في الروشته
عشان اسمه مناعه
.
.
.
.
ع العموم انا باعيدلك بالشفا
تحياتي

محمد العدوي said...

طب وهتمشي في الشارع ازاي ..

والهوا هتعملي فيه ايه ..

ملكة said...

m.r

أو الهاربين من الحياة برضو!

ولولا العشرة في المية كان زماني مكانه:)
نورت


****

مهموهتي
عندك حق بس ساعتها كان هيقولي روحي موتي نفسك وخلاص!!
نورتيني

****

ياسمين

ربما احنا اللي ادينا للأسود كآبته
بس اننا ندور على مين السبب يبقى كأننا بنسأل
البيضة الأول ولا الفرخة ؟؟
نورتيني

****

نمنماية

عليكي نوور وساعات بيدمن الأسود مش بس بيروحله
نورتيني وبلاش تطولي الغيبة

****

مادو

واللبن واللفت والسوبيا إلخ إلخ
وحياتك هو ده اللي بعمله دوقتي:)
نورت

****

آدم

ده مش تفاؤل ده بالنسبة لي حاجة خنيقة لأنه بيمنعني عن كل الحاجات اللي بحبها
قهوة-نسكافيه-كابتشينو-كولا-كاكاو-تمر هندي-فلفل اسود الخ الخ الخ

هو كوميدي فعلا
حتى كان بيفكر يبقى معايا دكتور باطني ودكتور نفسوي من منطلق اتنين في واحد برت بلاس!!
مشكرين لك كتير ونورت يافندم

****

محمد العدوي

الظاهر هو كان متفائل شوية وهو بيمنعني عن الحاجات دي كلها ونسي الهوا فعلا
الهوا بقى هدهنه لبني فاتح او ممكن بينك بسيط كدة
ومفيش مانع دوكو!!
نورتني يافندم

nael said...

يكونشي شوكولاطة؟؟؟؟

ملكة said...

نائل

دي غير "الشيكولاتة" اللي احنا معشر البنات نعرفها؟
أظن لأ
هي بعينها
قررت اعمل تمرد واكلها وليذهب الطبيب والأسود إلى الجحيم

نورتني يانائل

Anonymous said...

عندك نقرس

ملكة said...

مجهول

لا والله؟
مش ده اللي بيمنعوا عشانه اللحمة؟؟
امال ماقاليش هو يعني!