Sunday, February 04, 2007

أن تُمطر و أنت بالداخل ترتجف

سخيف جداً أن تقتضي الحكمة

ألا تجاهر بنداء للمساعدة

أو تعلن استسلامك أخيراً.

سخيف جداً أن تظل وحدك فجراً

تتنسم أو تتجمد

توشك على البكاء ولا تستطيع

دون أن تجرؤ حتى أن تحتاج

أليس الاحتياج إنساني؟

أولست أنت إنساناً؟!

سخيف أن تدرك إلى هذا الحد المربك

والأسخف أن تدرك فوراً وهكذا

دون أن تتمتع بجهلك الأول النقي.

سخيف أن تعاقب نفسك ضرباً

كي تستدر الدموع لتريحك

أو أن تذهب لمقابر نسيت أصحابها

فقط لتبكي!

سخيف جداً أنك حين تحب

تتقيد

وحين تخسر كل شيء

تتحرر

وحين تحاول أن تكتب

تكتشف مدى سخف حروفك

لأنها في النهاية ككل شيء

ليست متفردة!

سخيف أن تنتظر وتنتظر

حتى تنسى ما كنت بانتظاره حقاً

وفي النهاية..

لا يأتي شيء.. أبداً!

5 comments:

Hamed Ibrahim said...

أألم شيء الكتابة الصادقة .. لذلك بقيت مؤخرا ما بدورش على الصور علشان أزوق الكلام .. إلخ
أهم شيء يكون الكلام صادق ..
مش مشكلة الكتابة تكون متفردة
أه الواحد يتمنى إن ألمه يشعر بيه الناس بشكل لائق .. بس الأفضل إنه يكتب كلام غير متفرد وممكن سخيف كمان وما تغيرش شيء في انطلاق حروفه البسيطة علشان كلمة لازم تغيرها علشان تتظبط في الوزن .. أو جملة لازم تعدلها علشان الشكل والناس ..إلخ


وحين تحاول أن تكتب

تكتشف مدى سخف حروفك

لأنها في النهاية ككل شيء

ليست متفردة!

====

الكلام يا ملكة جميل جدا وأجزم إنه صادق ..لذلك شاددني بطريقة غريبة

فعا سخيف إن نوعز أنفسنا إن الحكمة تقتضي علينا الاستسلام

كلامك مجرد .. بس احنا بنزوقه ونقول مثلا إن الحكمة والحنكة تقتضي التوقف .. ونقول أسباب كتير مش بينها الاستسلام .. مع إنها في النهاية استسلام !



مش عارف أعلق على إيه في الكلام بالظبط لأن كله انسجمت فيه
بس أقدر أقول إن ده كله فعلا سخيف.. لذلك بإيدينا ما نخليش السخافة تتحقق

تحياتي ملكة
(f)

ملكة said...

حامد

تفرد الكلام مش لإنه متزوق أو رائع
مشكلة الإنسان أحياناً لما يلاقي كلامه مش متفرد في وصف آلامه
إن كل الناس بتحس باللي هو بيحسه ده
لما يكتشف إن أحزانه زيها زي أحزان كل الناس
هي دي المأساة بجد
فاكر اما قولتلي الواحد لاهو شاعر بيخرج من معاناته ابداع بجد ولا هو انسان عادي
هي هي تقريبا

نورتني ياحامد،تسلم على الرد

أنـــا حـــــــــرة said...

ملكه

فعلا اللى بتقولى عليه سخيف جدا
و كلامك رغم انه مش متفرد بس له بريق الصدق

انتى عامله زى اللى حطيت ايديها جوه اوى الاعماق و طلعت المستخبى

انا بحس باللى بتقوليه ده
يمكن علشان كده مش بنتظر
و لو ان نتجية الانتظار مينفعش تحكمى عليها غير لما الانتظار يخلص

walaaz said...

ون أن تجرؤ حتى أن تحتاج

أليس الاحتياج إنساني؟

أولست أنت إنساناً؟!

سخيف أن تدرك إلى هذا الحد المربك

والأسخف أن تدرك فوراً وهكذا

دون أن تتمتع بجهلك الأول النقي.


فعلا يا ملكة
مربك الى درجة الأرتعاش
لدرجة الأرتجاف الذى لا يراه أحد

ولما ماحدش يكون شايفه هيكون أطول وأصعب.. لأن مش هنحاول نوقفه بسرعة
فاللى هيحصل بس أن الأرتباك يزيد

جميلة يا ملكة,

ملكة said...

ياسمين

أقل ما نملكه الصدق،وإن لم نصدق حين نصف مشاعرنا فمتى نصدق؟؟

أحكم على النتيجة بعد الانتظار مايخلص؟
ياسمين انتي عمرك شفتي واحد بيتألم أو بيفرح بعد ما بيندبح؟!!ـ

تسلمي على المرور يامينا


ولاء
انتي أجمل يا ولاء ربنا يخليكي

عارفة المفروض(المفروض!)إنه علشان ارتجاف احنا بس اللي بنحس بيه اننا نعتمد على نفسنا ونوقفه أسرع مما لو كان واضح للناس
بس المفروض هو كل ما لا يحدث

متشكرة على المرور والرد ياولاء،نوريني هنا دايما بعد كدة