Friday, May 28, 2010

كيفما تكونوا .. يول عليكم


مش متسامحة مع الناس زي الأول
مش قادرة افهم انا كنت متسامحة معاهم ليه اصلا
آسفة قوي.. بس هما يستاهلوا اللي جرالهم
ماهو لما اعترض عشان سواق المكروباص
كان ماشي فوق الكوبري بيتطوح بالعربية و بسرعة جدا
ولما السواق يعلن اعتراضه بأنها "شغلانة بنت و..."
فألاقي كل الركاب بلا استثناء في صوت واحد
 -وكأنهم بيهتفوا للريس مثلا- بيقولوا
"اعمل اللي يعجبك يا اسطى ومالكش دعوة"
يبقى معلش.. احنا شعب يستاهل الحرق بجد !

9 comments:

Unknown said...

أهلا ملكة

أعجبني شكل حرفك

و استقامة أحاسيسك

و ولاءك لوضعك

كنت سعيد بالمرور من هنا

منجي

http://www.zaman-jamil.blogspot.com/

--

Lyssandra said...

الموضوع مش كونك غير متسامحه
بس هي الناس اللي تغيظ بجد

ماتزعليش نفسك
:)

Anonymous said...

ليس غريبا ان يسيطر غضبنا الداخلى على ماتستشعره حواسنا من الخارج!!

لا عتب..

فمثلما تتلون الحياة بالسبعة الوان حينما نفرح.. من حقنا على الدنيا ان تتوحد لونيا ولو لفترة :حين نحزن

على فكرة: ماكنتش اعرف انك قوية اوى
اوى كده


زعرورة.

ملكة بدر said...

منجي

يا أهلا.. منور بوجودك وردك
ابقى عدي هنا كتير :)


ليساندرا
بحاول مازعلش نفسي
بس ما بقدرش .. الشعب ده بيخذلني أحيانا :)

زعرورتي

بصراحة مش موافقاكي
مش كل مرة هتنرفز فيها هبقى متأثرة بحاجة مضايقاني
كتير بخرج من البيت حالتي رائعة وبتتكفل المواصلات بتكديري :(

وياعزيزتي.. القوة دي مسألة يطول شرحها قوي :)

منورة وربنا :)

Masry said...

احنا اسوأ من كدة بكتير لدرجة اني ساعات بحس ان الحرق مش هيشفي غليلي

Unknown said...

loved it as usual

Anonymous said...

اضرب العربي علي قفاة
http://abozaid46.blogspot.com/

كارول said...

عندك حق يا ملكة.. ولما برضو تلاقى نفس الاجماع ده لما واحدة تتعاكس ويكون الاجماع مش دفاعا عنها لا .. ده هتاف ضدها وتشجيع اللى بيعاكسوا ويتحرشوا انهم يعملوا اكتر من كدة

samir said...

عجبنى الموضوع بس ماعجبتنيش جملة شعب يستاهل الحرق ليه بس؟!!! ما هو الضعب ده أنا وانتى ووالدك ووالدتك ووالدى ووالدتى واخواتنا علشان نبدأ نتقدم لازمنؤمن اننا شعب يقدر يقعمل زى ما عمل قبل كده على مدار التاريخ وصدقونىكل الشعوب المتقدمه فيها بلاوى مكن حتى اكتر من عندنا بكتير لكن هما بيبصو للنموذج اللى ممكن يكون قدوه حتى لو بسيط