Tuesday, May 04, 2010

مش قلتلك؟

في اللحظة اللي إنت قررت فيها إن فيلم سكر بنات "قرف"

وقلتلك "مالكش دعوة"

عرفت إنك سافرت ومش راجع تاني..

.

وفي اللحظة اللي لقيت نفسي فيها

ماشية في وسط البلد ببتسم

من غير سبب

وبمرجح رجليا قصاد النيل

و بحضن كل تفاصيل الناس والشوارع

وعينيا بتدمع لما بسمع شعر حلو

- مش لما بسمع اسمك -

عرفت

إننا كان المفروض نفضل أصحاب

بجد

يمكن كنت ساعتها

تفضل حابب "سكر بنات"

ووسط البلد

واسكندرية الشتا

والنيل 5 الفجر

والشِعر

و أنا !

5 comments:

radwa osama said...

حلوه قوى
برافو

أحمد جمال said...

روعة

Mustafa Rizq said...

سكر بنات، شفته 3 مرات، ونزلته مرتين، وبيخليني حزييييين و فرحاااااان...... بجد

lamees kamal said...

latifa awi

إبـراهيم ... said...

يبقى ....


كان عندك حق ...

مش عارف حاسس التدوينة بتفتح النفس ع الكتابة!

..............
كان عندك حق تلمي وشوشهم م الفتارين
وتعياري عيال الحتة إن إنتي لوحدك اللي كنتي بتشوفيهم بيرقصوا بالليل
لما الناس تمشي
وبيحكوا لبعض عن بنت حزينة بتبقى سعيدة لما تشوف رقصهم بالليل!
كان عندك حق
يفتكرك مجنونة
ويقول لك
دي مجرد فتارين لو عاوزة حاجة قولي
.
.
كان عندك حق تبصي له باستغراب
وتبقي عاوزة تقفلي السكة ف وشه عشان تقولي له النمرة غلط!
.
.
شـــكرًا ...كالعادة !