Wednesday, July 11, 2007

Undo !

الأقلام الرصاص
وحدها تسمح لك بتصحيح أخطائك
وحدها تزودك بالطمأنينة لأن لديك فرصة العودة بالزمن للوراء كي تغير كل الأحداث
وحدها تشعرك أن بياض الورقة هو الأرقى مما يُخط فوقه
وحدها تمنحك حرية ممارسة اللافعل واللاكتابة
لكن الأمر دائماً رهن جودة ممحاة
!! ومقدرة ورقة على التحمل

10 comments:

إيما said...

جميل يا ملكة..
فكرتيني بواحدة صاحبتي كانت مش بتعرف تكتب دايما غير بقلم رصاص وبخط خفيف كمان وكانت المشكلة دايما بتبقي في الامتحانات:)
بس المشكلة إن الممحاة مش متاحة دايما للأسف وقوة الورقة دايما موضع شك كمان..

Unknown said...

أحلى حاجة في الدنيا القلم الرصاص!
أنا عندي هوس غريب بالأقلام الرصاص.. حتى لما ابتعدت عن الرسم ما راحش مني الهوس ده..حاجة جميلة بجد القلم الرصاص!
تدوينتك بقى تحفة بجد!
تدوينة عبارة عن تشبيه طويل شوية..لكنه في الصميم..
لا بد طبعا من الممحاة.. وإلا هنضطر نشطب ونشوه الورقة!
الكلمة الأخيرة عن مدى تحمل الورقة مؤثرة..
متهيألي الورقة ممكن تستحمل..
لكن في يوم هتفقد لونها الأبيض من كتر الكتابة والمسح.. هاتبقى رمادي.. أو أسود...

تحياتي.. يا فنانة

Yasmine Adel Fouad said...

يعنى مش كل مرة هدخل اقولك لازم تنشرى بقى
لو ما نشرتيش هقولك جتك القرف


_________________-


ليه كلامك وجعنى أوى
اوى يا ملكة ؟

مَلَكة said...

إيما

أنا تقريباً بقيت زي صاحبتك دي
صعب إني أكتب بقلم غير الرصاص دوقتي
بس في الامتحانات بمشي بمبدأ مفيش فرصة تانية حتى ولو بالرصاص
وكلللله بيعدي

دي مش مشكلة
دي إشكالية!!

نورتيني ياإيما:)

مَلَكة said...

دافنشي

شكلي اتعودت على وجودك في المدونة:)

أنا برضو بقول كدة
ماله القلم الرصاص؟ وحش القلم الرصاص؟

التدوينة تحفة بتعليقاتها يافندم:)

بالظبط كدة لازم يفضل فيها أثر للي اتكتب في يوم عليها
ييجي عم جان جاك روسو عشان يشوف نظريته بتطبق بحذافيرها أهو

كل التحية لك إنت يافنان مش فقير:)

مَلَكة said...

ياسمين

يابت انتي كل ماتدخلي لازم تطولي لسانك؟
ايدي ع كتفك وانا انشر من بكرة
هو حد يكره يعني؟؟

آسفة عشان الكلام وجعك أوي كدة يا ياسمين
بس الظاهر فيه أزمة بجد في كل مكان في وجود ممحاة كويسة ونوعية ورق تستحمل
!

بشكل أو بآخر واحشاني لقاءاتنا ورغينا وسكوتنا ماتتصرفي يابنتي مش انتي اللي بتخططي وانتي العقل المدبر للحاجات دي ولا إيه؟:D

نورتيني ياياسو

فتاة عشوائية said...

الله
عبقرية الفكرة
تحياتى

مَلَكة said...

علا

الله عليكي إنتي يافندم:)

نورتيني وماتطوليش الغيبة

محمد مصطفى said...

هايل يا ملكة
نص حلو جدا

مَلَكة said...

مادو

ربنا يكرمك
انتظر الجديد قريباً وهستنى ردك عليه

نورتني على طول يعني:)