من الفنان دافنشي وصلني تاج أثناء الغياب وبما إني شعرت بافتقادي للتاجات خاصة اللذيذة منها إذا فلنبدأ الرغي :ـ
ـ لما بتشوف واحدة جميلة قوي بتشيل عينك بعد قد إيه؟
بعد أول مرة يمكن علشان مش بيشدني الجمال المتعارف عليه من الناس ومعاييرهم وطبيعي اني مش هتنح يعني بما إني بنت :)
ـ لو لك 3 أمنيات هيتحققوا.. هيكونوا إيه؟ (بس حاجة خاصة بك أنت
أول واحدة افضّل أخليها جوة خوفاً عليها غالبا اما بنبوح بحاجة هنعملها او عايزينها مبتحصلش
تاني أمنية عايزة أفضل أكتب حاجات أكون راضية عنها وتكون بتعبر عني لأن الكتابة بالنسبة لي حياة
تالت أمنية اني أتخلص من كل الذكريات السيئة بتاعة السنين اللي فاتت هي أمنية خيالية شويتين بس اهو الكلام بيريح
ـ آخر مرة بكيت؟
النهاردة بسبب ان حظي الجميل خلاني أشهد حادثة حصلت قدامي بكل تفاصيلها مباشرة :(
ـ إيه أكتر حاجة بتحبها في نفسك؟
إني لسة بخاف على غيري أكتر ما بخاف عليا
ـ أكتر حاجة بقى بتكرهها في نفسك؟
العصبية والتردد والكسل وماتعدوش ورايا بقى
ـ أسوأ حاجة عملتها؟
إني وهمت نفسي قبل كدة بحاجات مش موجودة لكن في المجمل يعني معتقدش اني عملت كوارث وكدة
ـ مبادئك.. ثابت عليها؟
بحاول أثبت عليها بس أحياناً بضطر أتأقلم مع المواقف حتى لو اتخليت عن مبدأ لمجرد ان الحياة تعدي وخلاص
ـ لو رجع الزمن بيك مين الشخص اللي تختاره أنك متقابلوش؟
يالهوي! كتييييير مكنتش أتمنى أقابلهم ولا أعرفهم بس عشان انا عارفة ان ربنا بيسبب الأسباب فأعتقد إن كل واحد من الأشخاص دول كان ليه فضل عليا في إني أفهم الدنيا أحسن وأتغير وأكون أنا اللي موجودة دوقتي دي يبقى المفروض بعد كل ده إني أشكرهم!!ـ
ـ لأي مدى ممكن تضحي ؟
للانهاية طالما إن تضحيتي ليها نتيجة ايجابية مهما كانت صغيرة
ـ بتبكي من غير سبب؟
لما بكتئب جدا ممكن أبكي من غير سبب منطقي إنما جوايا ببقى عارفة كويس أوي أنا ببكي ليه
ـ أنت قوي؟
لأ لكن بحاول أكون قوية وكتير بستمد قوتي من الناس اللي حواليا
11 comments:
اول تعليق
تصدقي عيب اللي بيحصل دة ... انتي فيين بقالك 10 ايام .. ولا حس ولا خبر ولا حد يعرف عنك اي حاجة .. و الله انا قلقت
متعمليش كدة تاني
انا واول مرة اشوف التاج دة بس حلو
انا اصلا مبحبش التاجات و فوق كدة قافب المدونة للتحسينات :)
آخر
كنت بصيف وربنا ويادوب أول ما شميت نفسي تاني اما رجعت دخلت أهوات
أكيد التاج حلو
مانا اللي مجاوبة عليه:D
بس التاجات لذيذة وبنت حلال يعني
مال مدونتك انت بقى؟
ولا أجازة برضو؟
لسه و الله مخدتش اجازة بس هاخد قريب ان شاء الله
انا بس مزنوق و مش ملاحق علي اي حاجة فقلت ارتاح شوية و انظم الدنيا
ربنا يسهل و متأخرش :)
و بعدين منا هنا اهو
اوعي تكوني بتزبهلي لما تشوفي بنت حلوة
هههههههههههههههه
تاج حلو جدا
وحياة ربنا التاج ده اختراع تحفة!
إجاباتك حلوة.. بتدي فكرة أقرب عنك..
ربنا يحقق لك كل أمنياتك إن شاء الله..
وعود أحمد :)
آخر
ماشي خد نفسك وظبط الحياة علها تتظبط
يعني ومستنين العودة
العودة بجد مش تباشير العودة:)
كل التحية يا"فندم"برضو
مادو
أذبهل؟؟
ولما أنا -كبنت- أذبهل أما أشوف بنت حلوة
أمال انتوا -معشر الرجال- هتلاقوا ايه تعملوه في حياتكم بقى؟؟:D
طب مادام التاج حلو ما تجاوب عليه يافندم هو انت محتاج عزومة برضو؟؟
دافنشي
أنا برضو بقول كدة
بس أما يكون تاج عثول وابن حلال مش غتيت يعني
يارب يسمع منك يااااارب
ميرسي كتيييير يافنان:)
ملكة
ادينا بنحاول و ربنا يسترها .. شكله شهر مش هيعدي علي خير :)
بلاش يا فندم دي و النبي
Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Se você quiser linkar meu blog no seu eu ficaria agradecido, até mais e sucesso. (If you speak English can see the version in English of the Camiseta Personalizada. If he will be possible add my blog in your blogroll I thankful, bye friend).
شكراااااااااااااااااان
لسه متغدي يا قمر
بالهنا و الشفا انتي
Post a Comment