Wednesday, May 23, 2007

فـراغـات

ع الورقة البيضا

خطين بالإسود

كانوا متباعدين

حطيت في النص

نقطــة

وصلت الأول بالتاني

على نفس النقطة

وقفوا الاتنين

واما اتقابلوا

كان اللقا

ع الورقة البيضا

و بس !

16 comments:

إيما said...

رائع كالعادة يا ملكة..كلماتك تخترق مسام الروح ..سعيدة إني أكون صاحبة أول تعليق
يا رب تفضلي مبدعة ورائعة كدة دايما..يا رب كمان الخطين يتقابلوا برة الورقة

Masry said...

جميلة جدا يا ملكة . انا كأني برسم باديا الخطين السود . و بوصلهم ببعض
و
علي نفس الورقة البيضة
و علي نفس النقطة
اترسم كلام
بين خطين اسود
متقابلين
علي نفس النقطة
و بانت ملامح
لوحة لقاء
بين خطين اسود
مشكلتهم انهم
علي الورقة البيضة
و بس

كتاباتك رائعة يا ملكة

عطشان said...

فى امتحانات ... مفيش امتحانات
ملكه هى ملكه :d

إبـراهيم ... said...

الله عليكي يااااااا مَـلَــكَــة

.....
كان اللقا ع الورقة البيـضـــا .. وبـس !

...........

تفتكري كان لقاء كافي ؟!! ، ولا عشان كده قلتي (وبس) ؟! ...
..
تحيااااااااتي يا جميـــل

أحمد ع. الحضري said...

هذه المقطوعة هي قصيدة مكتملة وموزونة إلا قليلا :)
تحياتي على القصيدة الجميلة ...

Unknown said...

جميييلة
وبسيطة قوي

Hamed Ibrahim said...

طالما دي أول تجربة بالعامية
فأحب أقول إن شاء الله هاتطوري لو كملتي بشكل جيد

Yasmine Adel Fouad said...

ايه الفن ده بقى ؟
بس زى ما قال اخر من الاخرين
المشكلة انهم اتقابلوا على ورقة و بس

.
.

لا داهيه لتكون ورقة عرفى
:)

بحبك يابت وواحشانى

مَلَكة said...

إيما

ربنا يخليكي يا إيمان بجد كلامك كله تشجيع وجمال زيك
أنا كمان هضم دعوتي ليكي
يارب ييجي اليوم ويتقابلوا برة الورقة
لأن زي ما انتي عارفة ان السطور بتبقى تحت بعضيها متوازيين
بس في الحقيقة السطور عمرها ما بتبقى جنب بعضيها:)

نورتيني وتسلمي ياجميلة على ردك الحلو ده

مَلَكة said...

آخر مش زي أي آخرين

سيناريو "آخر" لحبكة لن تتغير
تفتكر هييجي يوم وتتغير؟
وجيه قال ان"النيل وطن"لكن الورق بقى مش وطن
وان كان وطن
فهو وطن مسجون زينا

ردودك أروع يافندم ومن بعض ما عندكم يافندم...برضو :D

مَلَكة said...

عطشان

طبعا يابني
مبتكرون لا مقلدون

يصبرك على الامتحانات ويصبرني على ملكة:)

مَلَكة said...

إبراهيم

أكيد مكنش لقاء كافي
وعشان كدة فيه "بس"اللي زيها زي "لكن" كدة
لازم تيجي تبوظ الدنيا

راجع ردي على (آخر)هتلاقي الجواب

نورت يارافع معنوياتي :)

مَلَكة said...

أحمد الحضري

بجد والله شهادتك اعتز بيها جدا جدا يا أحمد وردك شجعني اني استمر في محاولات "شبه" القصايد دي

تحياتي ليك دايما ويارب أشوفك هنا على طول:)

مَلَكة said...

فنانة فقيرة

إنتي أجمل:)

نورتيني جدا و تسلمي على المرور والرد الرقيق

مَلَكة said...

حامد

الحمد الله على السلامة ده أولاً

ثانياً هي محاولة أولى فعلاً واترددت كتير انشرها لأني مش مقتنعة انها صالحة للنشر
لكن إن شاء الله يكون اللي جاي أحسن:)

كل التحية لك
و..دمت بخير

مَلَكة said...

ياسمين الحرة

عرفي؟؟ من أولها؟ وبعدين بلاش النوايا دي يابت احنا هنا بنكتب حاجاتنا في النوووور
عشان كدة تلاقي الفواتير جاية لنا غالية كل شهر:D
والمشكلة ان الورقة بس مش كفاية
حتى في حالات العرفي على رأيك:D

ادعي بقى الامتحان اللي فاضل ده يجري ونتقابل ان شاء الله

تسلمي ياياسو على الرد يارب كدة منوراني على طوووول