Wednesday, May 16, 2007

إدراك

انحدارات الألم تؤلمني

تخبرني أني لم أمت بعد

وأن الحزن لا يقتل

بل يكسر باحترافية

حيث لا كدمات زرقاء واضحة

ولا أجزاء منفصلة مبعثرة

لأن معظم شروخ الروح

لا يجب أن يطلّع عليها العالم

أبـداً !

28 comments:

فتاة عشوائية said...

الله يا ملكة
انا عارفة الوحى كله بينزل ساعة الامتحانات
؛)
القصيدة جميل لكن أعتقد ناقصة شوية تظابيط

Masry said...

وجعتيني يا ملكة .
مديت اديا جوة روحي اشوف اماكن الشروخ و افتكرت
ان شروخ الحزن ساعات بتتنسي بس مبتخفش
بتفضل موجودة علي طول

vetrinary said...

جميله اللغه
والتراكيب
انحدارات الالم
الحزن
مبعثرة
الشتات اللى واضح على القصيده عامل جو من التوهه
الحزن لا يقتل بل يكسر باحترافيه
الله على وجهه النظر اللى انتى موضحاها بسلاسه
مع انى ضدها
ومن الحزن ما قتل
جميله جدا

الحصان الأسود said...

صحيح ان الحزن لا يقتل و لكنة كان سيكون ارحم عن ان يحيي حياة تؤلم في كل لحظة و يكون الموت أرحم

عطشان said...

حرام عليكى يا ملكة يعنى الواحد دراعه مكسور ايام امتحانات و مش ناقص تقومى انتى مكمله عليا ... الله يسامحك

إبـراهيم ... said...

لأن معظم شروخ الروح لا يجب أن يطلّع عليها العالم أبـداً !
<<<<<<<<
>>>>>>>>>>>>>>>>
سأذكرك بتعليق شبيه قالته سلمى ، لو كانت الامتحانات بتخليكي تكتبي حلووو قووي كده ، خليكي ف امتحانات على طول

حقيقي جميـلـة جــدًا ...
.
.
تحياااااااتي

محمد العدوي said...

يعني هو الألم الثابت مبيؤلمش ..

والله حلوة الفكرة دي . بس انحدرات اذا تحتاج اعادة تفكير باعتبارها تحمل معنى الذهاب الى تحت . ما يعني الزوال ..

بس معنى جميل بجد .


وبعدين كانت كسور رجعتي جاملتيها وخليتيها شروخ في الآخر ليه ..

ولا هو الكسر الذي يخدعك فيبدو شرخا ..

كل الود

admelmasry said...
This comment has been removed by a blog administrator.
هدى said...

قليل قوي لما الاقي حاجة قرياني بالشكل دا

مش غريب على ملكة الاحساس

تحياتي لكلماتك الرقيقة

ShAb 3AdY said...

وأن الحزن لا يقتل

بل يكسر باحترافية

كلام جميل اوى

Anonymous said...

لو حلة المحشى هاتطلع منك حاجات حلوة كده
أعمليها كل يوم ..
;D
جميلة أوى يا ملكة ..يا حسيسة

مَلَكة said...

لولي

بالظبط كدة الامتحانات بتعمل حالة من الضغط النفسي والاكتئاب للدرجة اللي بتجبرني أكتب وأنا مش عايزة
لأ وإيه؟
يطلع اللي بكتبه حلو كمان:)

بس عايزة أقولك إن دي مكنتش بكتبها على أساس إنها قصيدة
اعتبريها خاطرة
اعتبريها زي ما تحبي
المهم انها تكون لمستك

نورتي يا لولي وتسلمي على الرد

مَلَكة said...

اخر من الاخرين

عمر الشروخ ما بتخف
وبتفضل موجودة زي الحاجز
ولو فكرت تنساها مرة
فيه عشر مرات هتفكرك هي بوجودها جواك

آسفة على الوجع
بس ادينا بنتشارك فيه

تحياتي ليك دايما

مَلَكة said...

vetrinary

ماهو الحزن لو حصل وقتل
لازم ياخد وقت قبلها علشان يكسر
مبيسيبش حتى الناس تموت وترتاح كدة مرة واحدة
أمال يبقى تعذيب ازاي؟؟

توهتك معايا ووجعتك كمان
أنا طلعت شريرة جدا على كدة!!

نورتني جدا:)

مَلَكة said...

الحصان الاسود

ماده اللي بنقوله
ياريته يموت ويريح
انما ده بيكسر وبيموت والناس بتفضل على قيد الحياة
لا طايلين راحة ولا طايلين موت

تحياتي لك يافندم ومتغيبش كتير علينا كدة:)

مَلَكة said...

عطشان

ألف سلامة عشان دراعك يافندم
ما قولنا بلاش نهزر مع الأتوبيسات:D

وبعدين انا حاطة كام بوست حلوين ومتفائلين قبل ده اشمعنى يعني سايبهم وناسيهم وجاي تقول على ده؟:(
ده ظلم ظلم ظلم....الخ الخ

مَلَكة said...

ابراهيم

والله احيانا الامتحانات بتكون بريئة
لكن غالبا بتكون هي سبب الحاجات الكئيبة دي
وبناء عليه
مفيش مشاكل من الامتحانات
بس تخلص بسرعة عشان الواحد بيزهق يعني

مشكرين يا رافع روحي المعنوية دائما:)

مَلَكة said...

محمد العدوي

الألم الثابت على الأقل بيفضل مأكدلك فكرة إنك لسة بني ادم ولسة بتحس
ثم إن كل شيء بالثبات بيبقى عادي
او مش عادي بمعنى العادية
انما بنتعود عليه
لكن الألم اللي بيروح وييجي ده مصيبة في حد ذاته فلا إنت متألم على طول ومتأقلم ولا إنت مستريح وعايش حياتك

عارفة انحدار الألم بيبقى مصيبة كمان ليه؟
لأنه بيحسسك في لحظة ما إن حزنك مكنش صادق بالدرجة اللي كنت متصورها في يوم من الأيام
لو كان صادق فعلا ليه ممكن يقل أو يختفي أصلا؟

أما الشروخ
فهما الحالتين
كسور صلحناها بقت شروخ
او بنضحك على نفسنا ونقول لأ لسة مفيش كسر نهائي
لسة ممكن فيه أمل
بس الكسر النهائي أرحم مليون ألف مرة
علشان بتزعل على اللي اتكسر مرة واحدة بس
انما المشروخ بيفضل مشروخ على طول وبتفضل كل ما تفتكره وتبص له تزعل عليه

أنا رغيت كتير أوي
بس شكرا لحد بكرة ليك عشان خليتني أرغي كدة:)
نورتني

مَلَكة said...

ادم المصري

أولا متأسفين جدا وللغاية اوي خالص يعني يافندم اني مسحت تعليقك لكن اعذرني بصراحة موضوع الدكتوراة بتاعتك مش عاجبني
ما تجرب دكتوراة في "حتى" طيب؟
على الأقل مش هتزعل حد:)
ما علينا

هي الشفافية مشكلتها ان الناس بتخترقك
ومش لازم كل حاجة تكون مكشوفة للناس كدة
زي قراية الأفكار
ساعات كتير بتبقى نقمة مش نعمة
الصراحة والحقيقة مش دايما بتريح زي ما البعض فاكرين

انا سعيدة بتعليقك جدا
وأعتقد ده اول تعليق
بس يارب ميكونش الأخير
تحياتي لك

مَلَكة said...

هدى

ربنا يخليكي ياهدى يارب
بجد والله ردودك بتسعدني جداً
وبيسعدني كمان اني اكتب حاجة وتحسيها
ده احلى حاجة الواحد بياخدها من الكتابة اصلا

نورتيني ياقمر
وتسلمي على ردودك الرقيقة دي

مَلَكة said...

شاب عادي

ميرسي يافندم على كلامك الجميل
ومستنية تكرار الزيارة:)
نورتني

مَلَكة said...

مهموهتي

مالك ومال حلة المحشي يابت؟
بتتريقي عليا عشان مبعرفش اطبخ يعني؟
طب لعلمك بقى عملتها وكان احلى محشي حصل في تاريخ البشرية
حتى أسألي الوالد والوالدة:D
وبعدين المرة الجاية أما اعمله هبعتلك في الاتاتشمنت حلة:D

واحشاني بالمناسبة ادعي الامتحانات تخلص ونتقابل بقى

أمل ربيع said...

آه يا ملكة ليت الحزن يقتل ولا يتركنا مشرخين هكذا...

تحياتى ليكى ولمدونتك المميزة
"بجد نص حلو قوى"

.:.-=- ELGaZaLy-=-.:. said...

انتى بتخدينا فى دفقات من الحزن الجميل


بجد حلو اوى

Rosa said...

الله يا ملكه على الكلمات
وأن الحزن لا يقتل

بل يكسر باحترافية

بجد شوفت وصف للحزن كتير بس ماشوفتش زي الوصف دا بجد قبل كدا
تحياتي للابداع
:)

مَلَكة said...

أمل

الغزالي

روزا

مروركم أسعدني وكلماتكم بجد أسعدتني أكتر
دمتم جميعا بخير
بعيدا عن الحزن بأميال:)

نورتوني

Yasmine Adel Fouad said...

ما يؤلم هو حجب الكدمات الروحية عن بشر آخرين
أن تجلسى بين الأصدقاء دون ان تبكى

مَلَكة said...

ياسمين الحرة

"التعود كالجوع يقتل كل شيء"

مش عارفة أدور على حاجة تاني أرد عليكي بيها
تقريبا الجملة قفلت معايا كدة!

نورتي يا أحلى ياسمين :)