Tuesday, June 05, 2007

أربعون عامًا وأربعمائة ألف نكسة

!!أربعون عامًا على 5 يونيو 1967
ترى كم هزيمة منينا بها خلال الأربعين عام الماضية؟
عذراً لأني رغمًا عني لمحت تاريخ اليوم في النتيجة !!ـ

21 comments:

Davinci said...

نكسة؟
النكسة نحن نعيشها الآن.. في هذه الأيام السعيدة..
نكسة أخطبوطية عبقرية متوغلة في كل كبيرة وصغيرة في حياتنا.. فليشملنا الله برحمته...

عطشان said...

احنا عايشين فى نكسه و هزيمه من بعد ما مبارك مسك الحكم كل يوم تحصل نكسه ... إن أنتى تقومى تشوفى التاريخ ده نكسه :d

اخر من الاخرين said...

كل سنة و انتي طيبة .. ربنا يدي النكسة طولة العمر و نكبر و نترعرع في خيرها:)
عليه العوض و منة العوض

إبـراهيم ... معـايــا said...

يا ترى كم واحد ف مصر (زيك) افتكر النكسة ؟؟؟ ، وكم واحد أكبر منـك افتكرها أكثر !!!! ،،،، يا ترى عاملين إيه دلوقتي ؟؟؟؟؟

...................
............
.....

عشبة حطام المراكب said...

ما نمر به ليس نكسة
بل على رأى جداتنا العبقريات
وكــــــــــــســــــــة
وكـــــــســــة
وكسة
النكسة ديه لو عشناها إحنا الجيل ده
تبقى نعمة من ربنا
فى حديث بفتكره إن الله إذا أحب عبدا إبتلاه
أما نحن معفيين من البلاء
إذا اعتبرنا النكسة بلاء أصلا
لو كان جدودنا العظماء اللى نجحوا فى إتخاذ المواقف حتى لو كانوا مخدوعين وإستطاعوا الدفاع عنه لأخر قطرة دماء
بعد كده عيب إحنا اللى مش عارفين ناخد موقف واضح للعيان وكل الناس شيفاه وبتتاجهله نقول نكسة

إسكندريلا said...

الحفل الجاى لاسكندريلاّ يوم 11/6/2007 بالجامعة الأمريكية فى انتظار تفاصيل أكثر


بعدها اسكندريلاّ هتكون موجودة يوم الجمعة 29 يونيو على مسرح الجنينة من9-10 مساء


المكان: حديقة الأزهر طريق صلاح سالم الدراسة جميع العروض مجانية بخلاف تذكرة دخول الحديقة (5 جنيه) للمزيد من المعلومات www.mawred.org
الحفل التالى سيكون فى ساقية الصاوى 11/7/2007 ضمن مهرجان (أجازة بجد ) التى تقيمه جمعية تنمية بلا حدود أيضاً التحديث بالتفاصيل مستمر

muse said...

الدم يجرى فماء النيل
و النيل بيفتح على سجنى

محمد العدوي said...

هو نكسة يعني ايه .

كل مرة أقرأ فيها شيئا مما حدث أزداد يقينا أن أطفالا حكت هذا البلد يومــا . دا إذا اعملنا حسن النية يعني ..


وعمار يا مصر برجالتك ..

فــــــــارس said...

عندما سئل احد الاشخاص المصريين على قناة الجزيرة
ماذا تعرف عن النكسة
قال::
رغم ان الجيش المصرى من احسن جيوش الارض
الا ان الاسلحة الفاسدة واعوان الملك الخائنين كانوا سبب الهزيمة


هو فيه اكتر من كدة نكسة
احنا كل يوم فى نكسة
وانكسار
وتخلف
ورجعية
وظلم
وفساد

يلا تعيشى وتفتكرى
بعتذر عن تقصيرى الفترة اللى فاتت

دمتى بكل خير
سلاااااااااام

مادو said...

الله بقىىىىىىىىىىى
يا بنتي مانتي كنتي بعقلك ليه تزعليني منك كده
ماحنا زي الفل أهه و هي نكسة واحدة
و بعدين مانا مثال حي قدامك اهه مولود ليلة النكسة
قبلت في الجيش يوم النكسة و الحياه معايا فل اهه
ليه بقى نشكك في اليوم الجميييييييييل ده المفروض نحتفل بيه من باب تشكري يا شدة عرفتيني عدوي من حبيبي على راي تيتة

سيدوفسكي said...

سلام عليكم

هو زي ما قال دافنشي .. النكسة احنا عايشينها دلوقت .. وقياسا فنكسة دلوقت أكبر من النكسة اياها بتاعت سبعة وستين

احنا في نكسة مستمرة من زمان .. ماعرفش من امتى بس شكلها من زمان أوي

ملكة said...

دافنشي

بالظبط

بنمر بنفس ظروف ما قبل النكسة 67 وما قبل اغتيال السادات 81 انما
مازلنا بانتظار الصدمة إلى الآن
أو ربما فقدنا القدرة على الاحساس من زمان أصلا

ملكة said...

عطشان

مش من ساعة ما هو مسك الحكم بس
أحنا بنعيش النكسة كل يوم من ساعة 67
والتاريخ في حد ذاته نكسة
لأننا لحد دوقتي مش قادرين نعرف أبسط الحقايق فيه ايه
والأمة التي بلا تاريخ واضح
لا يمكن يكون لها مستقبل

ملكة said...

آخر

وانت مصري!

لكن أنا كبرت فعلا واترعرت في خيرها
معتقدش هتمنى لاولادي انهم يعيشوا نفس اللي احنا ميتين فيه كل يوم ده

ملكة said...

ابراهيم

صدقني يا ابراهيم كل واحد مننا فاكرها وان ما افصحش فجواه بيتعصر على حالنا اللي وصلنا له من بعد 67 لحد النهاردة
أما عاملين ايه؟
فمفيش اختلاف كبير عن اللي احنا بنعمله دوقتي
اللي هو
ولا حاجة أصلا

ملكة said...

علا

أجدادنا كانوا نايمين في حلم وردي خلقته حكومة ناصر
ومن بعدهم جه جيل ملوش موقع من الاعراب مش قادر يعمل حاجة
تفتكري جيلنا احنا بقى هيروح يعمل ايه بعد دول؟
خلينا واقفين
بمعنى أدق وعلى رأيك
خلينا في وكستنا

ملكة said...

muse

النيل بيفتح على سجني

والنيل كان"وطن" لكن مادام الوطن بقى سجن

يبقى السجن بيفتح على سجن غيره

دايرة مفرغة!

ملكة said...

محمد العدوي

نكسة يعني واحد ماشي في أمان الله وفاكر الدنيا زي الفل وفجأة جه واحد ضربه ع قفاه وسرق منه فلوسه وهدومه وسابه في عز البرد..عريان

أطفال؟؟
ياعزيزي الأطفال عندهم ضمير فطري ربنا خلقهم بيه
انما دول كانوا..كانوا
مش عارفة كانوا ايه
مكانوش أصلا
ميستحقوش يكونوا

عمار يامصر برجالتك
والرجالة ماتوا في الحرب!!

ملكة said...

فارس

دي نكسة بالتلاتة
كان ناقص يقول ان كاميليا كانت هي السبب في فساد الملك!!

احسب انت بقى من اربعين سنة اتنكسنا كام مرة مادام كل يوم فيه نكستين تلاتة ع الماشي كدة!

دمت بخير وماتغيبش

ملكة said...

مادو

زهقت من العقل
لكن اوعدك هرجعله قريب

طب مولود يوم النكسة وقضاء وقدر
انما جيش كمان؟؟
هما مصممين ولا ايه الحكاية؟؟

انا مش عايزة اشكر اليوم ولا حاجة
ربنا يعديه كل سنة ع خير
وربنا يصبرك ع ما بلاك يابني

ملكة said...

سيدوفسكي

بالظبط
لما اتنكسنا في 67 كانت هزيمة في الجيش
قولي بقى دوقتي احنا عندنا ايه مش مهزوم في البلد دي؟
ده العيال بيتولدوا فاقدين الأمل!!

من زمااااان ومعتقدش هتنتهي دوقتي