Wednesday, March 21, 2007

البقاء لله يا مصريين

مظاهرة من طلاب التيار الاسلامي احتجاجاً على التعديلات الدستورية،مكنتش مظاهرة وإنما جنازة!جنازة بكل تفاصيلها،شارات الحداد، اليفط السودا،الموسيقى الجنائزية وأخيراً نعش وعليه علم مصر علامة على إن اخر مسمار في نعش البلد اتدق بعد تمرير التعديلات الأخيرة،في الوقت نفسه ظهرت مجموعة من البنات واضح اوي على شكلهم انهم مش اكتر من اعدادي او ثانوي ولابسين قمصان بيضا وبنطلونات رمادي وقفوا فوق سلم مبنى المسرح الشهير علشان ميسيبوش مكان للمتظاهرين التانين،وبدأ واحد يلقنهم هتافات من نوعية التأييد لمبارك ونشيد بلادي بلادي وأخيراً نعم للتعديلات!،جدير بالذكر ان اشكال اللي كانوا واقفين معاهم آخرهم بلطجية ومأجورين! وده لينك للفيديو http://www.youtube.com/watch?v=EFNXEDJBE0w

4 comments:

معاذ رياض said...

عموما هي حاجة كويسة أن فيه مظاهرات وأن الناس بتتحرك مع أن سنهم صغير. على أيامنا كان اللي في سن اعدادي وثانوي مش بيتحرك غير يروح الدرس ويرجع من الدرس..

إبـراهيم ... said...

تخيلي الصور طلعت حلوة فعلاً .... وفكرة السلايد شو دي كويسة .....


رغم إني كنت منتظر كنـك مقال أطول وأشـد ... وأجمد ....


لكن ياللا ، كويس !


ربنا ينتقم من الظالمين


ألا صحيح يا ملكة ، قابلتي مين هناك ؟؟؟ و ....كـده يعني

مَلَكة said...

معاذ
أهلا بيك
المظاهرات موجودة على طول
الفرق عدد الناس كام
يعني هيعملوا ايه 100 ولا 200 ادام جحافل الامن المركزي اللي بتواجههم وبتقمعهم؟
عمتاً أحب أقولك ان لحد دلوقتي أبويا وأمي بيطلبوا مني معملش حاجة غير إني
أروح الجامعة
وأرجع من الجامعة
مش فارقة كتير يعني

مَلَكة said...

ابراهيم
اه طبعا نسيت اقول شكر خاص للاستاذ ابراهيم بيه وللآنسة هدى على اليوم الحلو وعلى التصاوير وعلى الرغي وعلى كل حاجة:D

بس حكاية مقال دي المفروض تتوقعها اساسا
اصل هقول ايه اكتر من اللي اتقال قبل كدة؟
كفاية الصور والفيديو هما يقوموا بالواجب