كما هو واضح من العنوان
إهداء خاص ل: سلمى
القصيدة بعنوان ( توت) من ديوان
" السنة 13شهر "
للشاعر الجميل: سالم الشهباني
وش الشجر
والليل بَكا
لحظة قدومه
الصيف بيرحل
ينتزع
من جسمنا
آخر هدومه
كان اللقا
كان الوداع
خطين بيسروا ف دمنا
كان اللقا
كان الوداع
كان انكسارنا ف نفسنا
فتش قلوبنا
وارتئى
ايه اللي راح
يا سيِّدي
الغايب
ال ...
غايب
ال... مرتقى
فوق الجراح
كان ايه بقى
من مر بعدك
والرجوع
غايب
دموع
راجع
دموع
القلب لم
عاد يِسوع
الإنتظار
وانت النهار
النهار
الغروب
انت الأمان
الأمان
الهروب
انت الدروب
بتضمني
وتشدني
للقاك
حاجات
وتصدني في لقاك
حاجات
انت انتصاري
ف اللي جاي
ولا انكساري
ف اللي فات
خروج
"يابرتقان ياحمر
ياجديد
بكرة الوقفة"ـ
وبعده الوقفة
وبعده الوقفة
لسة باقيلنا كتير
ع العيد
مرسي كتييييييييير يا ملكة
ReplyDeleteانت عارفة قد ايه انا بحب شغل سالم وبالدات القصيدة دي
موتشاس جراثياس
مرسيييييي كثييييييييير يا ملكــة
ReplyDeleteإنتي عارفة أنا بحب (برضه) "شـعـر" سالم قد إيه ، وليسـت القصيدة دي بالذات ، بس هوا جـهد تُشــكري عليه
و مش عارف بقى إيه الكلمة اللي ف الآخر دي
بس عمومًا ...تسلم إيدك
طبعا بما اني صاحب الدعوة لقراءة هذا الديوان أحييكي بما انك سبقتيني ونشرتي القصيدة دي .. بس بشنس أحلي علي فكرة
ReplyDeleteتاني حاجة .. ماتنسيش لقاء المدونين يوم الاربع .. هابعت لك التفاصيل علي المايل .. سواء هاتيجي أو لا ردي
أنا بقا بحب الديوان ده كله
ReplyDeleteبجد متشنكرين
على نشرك للقصيدة دي
لأن شغل سالم يستحق
تحياتي
سلمى
ReplyDeleteعفشاً يافندم
ماهو انا كتبت القصيدة دي مخصوص عشان عارفة انك بتحبيها اكتر من غيرها
صحيح
مالها كلمة شكرا يعني كفرت؟؟
ابراهيم
عفشا يافندم برضو
والكلمة اللي في الاخر معناها شكرا جزيلا بالاسباني اعتقد
بس هي سلمى اصلها بتقاطع المنتجات العربية دلوقتي
الله يسلمك مشكرة
شادي
بشنس جميلة ياشادي فعلا
بس زي ماقلت انا عرفت ان سلمى بتحب القصيدة دي تحديدا
ومشكريين على مشوار شراء الديوان من مدبولي
إنه-لعمري -كان مشوار تحفة:D
عز
الديوان فعلا جميل انا متفقة معاك تماما
وسالم شاعر جميل وكلامه يدخل القلب بسرعة
مشكرة لزيارتك يافندم
ونورتني
أول مره اتابع مدونتك الطازة الممتعه
ReplyDeleteيسلم اختيارك
و تسلم ايدين الشهبانى
واحد من اهم المواهب فى مصر دلوقتى
استمرى
مجدى الشافعى