عمرك حسيت بالتوهة؟
التوهة غير التوهان
احساسك إنك .. فاضي من جواك
خواء ذاتي وفراغ ملوش حدود
لأنك بتكون وقتها فاقد كل حواسك
فاقد كل اتجاهاتك و رؤيتك
اللي ممكن تدلك ع الطريق
الاتجاهات ضاعت أو مشوشة قدامك
وكأنك تهت لما حد كبير قرر يسيب ايدك
فجأة وسط الزحمة
تخيل كأنك واقف بين مليون واحد
وانت بس اللي مش عارف تمشي ازاي؟
مش عارف تروح فين وليه؟
مينفعش تسأل حد من اللي واقفين
عشان محدش فيهم هيقدر أبداً
يديلك الحاجات اللي انت فقدتها مرة واحدة دي
محدش فيهم هيقدر يحسسك بالأمان
أو هيقدر يخليك تثق في ارشاداته
كل اللي انت بتتمناه في الوقت ده
إنك تلاقي الإيد
اللي انت كنت ماسكها من شوية
الإيد اللي ضاعت منك
أو اللي انت ضعت منها
لأول مرة تتوه جواك
وانت لسة واقف في مكانك !
أجمل حاجة قريتهالك يا ملكة .. لدرجة اني سعيد إني أول رد
ReplyDeleteعاوزين نشوفك يا بنتي .. فينك ؟
اه حسيت بالتوهة و لسة حاسس .. و موقفتش مكاني و مش عارف اقف مكاني و عمال اجرب و اجرب بل مش علشان فاضي من جوة لا .. علشان مليان جدا لدرجة اني ممكن امشي في 100 اتجاه و مش عارف امشي فيين .. دي مش حيرة لا بس توهة لاني مش عارف اي حاجة عن اي اتجاه
ReplyDeleteو مش بدور علي الايد اللي سابتني .. انا بدور علي ايد انا سبتها
ملكة متكتبيش حاجة جديدة بقي الا لما ياسمين تيجي تقولك انتي مبتنشريش ليه و تطول لسانها :)
ReplyDeleteادينا مستنينها :)
This comment has been removed by the author.
ReplyDeleteاللهم طولك يا روح
ReplyDeleteمحمد بيه
انت مالك اصلا بيا
بأقول ايه و ما اقولش ايه
كنت لسانى انت يعنى
انا داخلة كافيه خيرى شرى
الاقى لسه الناس بتجيب فى سيرتى
سمعتى يا جدعان
ملكة
ReplyDeleteبالنسبة لى المشكلة الأكبر لما تختارى الطريق اللى تمشيه و تلاقيه حد بيشدك من شعرك علشان يجيبك وراء و يقولك لا
ممنوع
فتقوليله فى ناس مشيت قبلى اهى
فيقولك هى كده
_________________
غمضى عينك
خدى نفس
و ركزى أوى
هتشوفى
نا تخافيش
مدى ايدك
ده الطريق زحام
ياسمين هانم :)
ReplyDeleteمتأخرتيش الحقيقة .. كويس كدة ملكة تقدر تكتب اكتر و اسرع :)
و بعدين تتحسدي المرة دي سيبتي ملكة في حالها و لا وجودي خفف اللي كنتي هتقوليهولها :)
و بعدين متقلقيش محدش يقدر يجيب في سيرتك الا بكل خير .. ولا ايه
انتي تشكي اني ممكن اعمل غير كدة
شادي
ReplyDeleteربنا يخليك يا فندم
بس حاول تحافظ على مكانك في أول رد بقى:)
موجودة أهو، موجودة ومتواجدة جداً
تحياتي ونورت يا دكتور
آخر
ReplyDeleteده إنت حكايتك حكاية!!
تفتكر المشكلة إنك مش عارف تقف في مكانك ولا إنك مش لاقي مكانك جواك أصلاً؟
سبتها ليه؟؟
سؤال متطفل بس واجب يتسأل
وبعدين ما تبطل تجر شكل البنت بقى
هي عملت حاجة ولا جت قالت حاجة؟
الحق عليها إنها بتشجعني يعني؟
بس هي بتشجعني بطريقتها بس مش أكتر:D
ياسمين
ReplyDeleteهو إيه أصله ده؟
إنتوا هتتخانقوا زي العيال الصغننيين ولا إيه؟
ما تقلقيش يا أوختشي سمعتك في الحفظ والصون
محمد كان بس بيرمي السلام بتاعه
برضو بطريقته الخاصة:D
نيجي لردك بقى
أنا فاهمة المشكلة إيه
بس كمان مبحبش جملة"الظروف والناس" مهما كانت واقعية
بس فيه حاجات أما بتتاخد مننا أو تختفي مرة واحدة لأي سبب
بنحس إننا بجد ضايعين ولو مؤقتاً
ساعتها كل الزحام بيبقى ملوش لازمة
المهم اللي ضاع
نورتي يا ياسو
آخر كمان مرة
ReplyDeleteالمرة الجاية هحرمكوا انتوا الاتنين من المصروف:D
اعتقادي بأن اليد التي فقدتها هي أقدر الأيدي على إنقاذي من ضياع أكيد وسط
ReplyDeleteالمليون شخص
أظنه يتواءم
مع مرحلتك العمرية التي لا أشكك فيها مطلقا
لكنها تكون مهتمة بالخوف من التغيير
وفقدان الاشياء
تحياتي
ساعتها يا ملكة تدى نسك فرصة للبكاء
ReplyDeleteهيطلع كل شحنات الفراغ اللى جواكى
وهيطلع شحنات الاحاسيس السلبية اللى جاتلك بسبب اللى اتخلوا عنك
وبعدها تقومى تقفى على رجلك وتقولى مش ممكن اسمح لحد يوقف حياتى
يخرب بيت بلاغتك!
ReplyDeleteهو ده بالضبط.. كلامك بيوجع!
هو فيه فرق بسيط..
تايه وفيه مليون طريق.. عايز أمشي فيهم كلهم!!
بس برضه مستني الإيد دي...
على فكرة (عشان كسلت أرد هناك): اتعودتي على وجودي هنا؟
ده حاجة تسعدني طبعا.. أنا كمان اتعودت على المدونة دي بجد..
كنت ميت على سبيل التجديد وجيت تاني..
حمدا لله على سلامتي!
altwati
ReplyDeleteموافقة على رأيك
وإن كنت شايفة إن دي تقريباً مخاوفنا في كل عمر
هيفضل الخوف من الفقدان أو الفراق هو أعظم فوبيا لكل البشر مهما اختلفت أعمارهم
شكرا للمرور والرد وكل التحية:)
شقاوة شعب
ReplyDeleteوده بالظبط اللي حصل وقتها
معرفتش أعمل حاجة غير إني أبكي
كان قرار بأني استسلمت وعايزة حد ياخدني للايد اللي اختفت مرة واحدة دي يوديني ليها
وفعلا
البكا بيقوي مش بيضعف
تحياتي
دافنشي
ReplyDeleteمرحباً بالبعث:)
كلامك فكرني بقصيدة للشاعر
Robert Frost
اسمها
The Road Not Taken
انما ماعلينا
أعتقد إن التوهة جوة الزحمة أصعب كتير من التوهة في صحرا لوحدك
ف الصحرا سهل تلاقي طريق واحد
إنما وسط الزحمة
زي ما انت قلت بالظبط
فيه مليييون طريق!
مرحبا بك في كل وقت
واعتبر المدونة مدونتك كمان:)