منذ عشرين عامًا إلا يوم
كانت تنتظر
فوق المقعد الخشبي
في اليد كتاب لا ينتهي
تقتل به الوقت
أو يقتلها
والنافذة الأمامية مغلقة
هي دائمًا مغلقة
حين ملّها الانتظار
استعدت للنهوض
لكن حركة بسيطة
في مزلاج النافذة الأمامية
أعادتها لمشهدها الأول
للمقعد الخشبي والكتاب
!! ربما لعشرين أخرى
عارفة انا مؤمن تماما ان اللي يصبر ينول
ReplyDeleteو ان الصبر مفتاح الفرج
بس صبر و انا قاعد ... امل صافي
امل مسيطر علي انسان و علي حياه
ايه هوة الفرج اللي يستاهل كل الامل دة
و مع ذلك عندي رغبة قوية اجرب اني انتظر حاجة للدرجة دي .. يمكن يكون فيها حل لكل المشاكل
ReplyDeleteبتفكرنى برده بزمن الاساطير او يعنى تنفع بدايه لقصة جميله فيها معانى كتير للاخلاص والوفاء والصبر و التضحيه حاجات كتير اوى
ما تحاولى فعلا تحوليها لقصه وتحطى دى البدابه
جمييله بجد
أولاً : حمد لله على ســلاااامتـك مرتين ، سلامتك الصحية ، وعودتك التدوينية .... ،،،، تتميزر كتاباتـك بالصدق ... و الاحتراف مــعًا ...
ReplyDeleteالصورة حلوووة قوي ، كأنها اترسمت لكلماتـك دي :)
لوحة جديدة ، ورؤية مختلفة لمشهد الانتظـار !
آخر
ReplyDeleteأنا بقى مش عارفة إذا كان الصبر بينول في الآخر ولا لأ
بس هو أكيد هيكون فيه نتيجة مش هنوصل لحارة سد يعني
يمكن لما بنستني حاجة للدرجة دي بنعلق عليها بقية حاجاتنا اللي بطلنا نسنتناها عشان كدة بنعيش تقريبا طول عمرنا في حالة انتظار
ساعات كمان بننسى بعد زمن احنا كنا مستنيين ايه؟وليه؟؟
دايما زيارتك وردك بيسعدوني
تحياتي لك
سندريلا
ReplyDeleteحمدالله على السلامة:)
مش عارفة ياسندريلا الحاجة اما بتتكتب معايا بشكل معين بلاقي صعوبة اني اغير شكلها لنوع تاني
وبعدين هي الحكاية خلصت على كدة
مش عارفة لو حطيتها بداية هيكون ايه بعدها؟
أفضّل أستنى معاها العشرين سنة واشوف هيحصل ايه بدل ما أتخيل سيناريوهات كتير ربما ولا واحد منهم يتحقق فعلا
ميرسي ليكي بجد
ويارب أشوفك هنا دايما:)
إبراهيم
ReplyDeleteالله يسلمك يافندم..مرتين برضو:D
الحمد لله إن النص الملخبط ده عاجبك
مش بقولك دايما رافع روحي المعنوية؟:)
دمت بكل خير
الله ..حلوة حلوة ..
ReplyDeleteوحشتينى و بسأل سلمى عنك علطول ..و هاكلمك قريب..قولى أنتى يارب بس
..
بس بجد يا ملكة ..صورة و تدوينة حلوة ..
روعة يا ملكة بجد والله
ReplyDeleteالكلمات سحر والصورة كمان وخلفية الموسيقي الجميلة وراهم كإنهم دنيا تانية
وكمان تعبير ملها الانتظار ده ساحر
تحياتي ليكي يا بنوتة وللعالم الجميل الذي تأتي منه كلماتك
مهموهتي
ReplyDeleteربنا يخليكي كلامك دايما بيشجعني
على فكرة انتي كمان واحشاني بس انا عارفة اليومين اللي بعد الامتحانات ما بتخلص دول بيبقوا زحمة لدرجة محدش بيعرف يعمل فيهم حاجة
يارب نتقابل بقى رغيك واحشني يابت انتي:)
إيما
ReplyDeleteميرسي يا إيمان على زيارتك وردك الرقيق ده
سعيدة كمان إن كلماتي دخلتك عالم تاني
ده أقصى سعادة لحد بيكتب ممكن تحصل:)
نورتيني وماتغيبيش علينا
جميلة يا ملكة
ReplyDeleteغلاف الحزن دا دايما بيشدني
الملكة..
ReplyDeleteاللافعل يساوي موت.. مقعد خشبي ربما تابوت .. وكتاب ككفن الموتى ..
اعذريني بس احساس العجز واليأس وانتظار المستحيل وتوهم ما قد يبعث على الاستمرار في الانتظار .. وصلني ولمسني و...
مش عارفة..
بسم الله ما شاء الله
ReplyDeleteعارفه يا كلبة بعد كده
اجى اقولك مش بتفكرى تنشرى
فتقوليلى هو انا بكتب حاجه تتنشر
هديكى ياللى انتى عارفاه
فينك يا بنتى ؟
تحفة
تحفة
تحفة
بسم الله ما شاء الله
ههههههههههههههههههههه
ReplyDeleteتعليق انا حرة يفطس من الضحك
تعليق رائع الحقيقة بيناقش البوست بكل موضوعية :)
صحيح لازم تنشري
معلش يا ملكة تعالى على جنب لحظة
ReplyDeleteمحمد بيه
ايه اللى دخلك بين اتنين بناتيت دلوقتى
" و مش عايزة لسانك يطول "
يللا لم عزالك من هنا كمان
:)
شادي
ReplyDeleteحمد الله على السلامة الأول
هو مش غلاف حزين أوي
انما تقدر تقول فيه حالة شجن بسيطة كدة
مش الامتحانات خلصت؟
عايزين نشوفك في المدونة بقى يا دكتور
تحياتي ليك:)
ناردين
ReplyDeleteوهو المطلوب اثباته من البداية وللنهاية:)
سعيدة جدا بزيارتك الأولى ويارب متكونش الأخيرة
تحياتي ونورتيني كتير
ياسمين
ReplyDeleteبس وربنا انا فعلا مش لاقية عندي حاجة انشرها فعلا
واما بفكر في الخطوة دي بحس لسة بدري كتير عليها
بس ربنا يسهل وميجيش يوم احس ان كدة متأخر أوي عليها!
انتي بالذات عارفة ان رأيك مهم جدا جدا عندي فتصوري اما انتي تقوليلي تحفة بقى
الناس هتطلع تدور عليا فوق في السما دوقتي:)
تسلمي يا أحلى ياسمين في الدنيا
آخر
ReplyDeleteايه ياعم محمد انت داخل تجر شكل البنت ولا ايه؟؟:D
انا هروح انشر الغسيل أهو
دعواتكم معانا :)
وبعدين يا بت يا ياسمين انا مبحبش اروح على جنب أنا
انا بحب اقف في النص عشان احجز بين الناس اللي بتتخانق
يعني تقوليله لم عزالك اقوم انا اقوله لأ يقوم هو يتقمص ويلمهم وفي الاخر اسيبكوا انتوا التنين براحتكوا بقى
حدش عايز ينضم للخناقة؟
معلش بقي يا حرة
ReplyDeleteانا اقعد هنا بمزاجي لحد ما ملكة هية اللي تقولي امشي (بيتها بقي و هيه حرة فيه) :)
شوفي ماسك لساني بالعافيه :) .. بس نفسي اقولك انتي جايه تعلقي ولا جايه تهرجي :) .. روحي اقري تعليقك تاني كدة ..
ملكة سؤال صريح ؟؟
بزمتك مش تستاهل يتجر شكلها :))
في الوقت اللي انا بعلق فيه زمان الغسيل نشف .. فكرتيني بنفسي و انا بنشر :))
عموما انا مش بتقمص غالبا و بعدين الاختلاف في التعليق لا يفسد للبوست قضية ..
حسابي معاها بقي
جميلة قوي
ReplyDeleteوصلتني جدا
رغم اني توقفت عن فعل الانتظار
كل الحب
يا ستي والله ظروف عاملالي شوية لخبطة مش عارف انظم نفسي اليومين دول .. بس هابقا موجود الفترة اللي جاية بإذن الله .. ابقي عبرينا انتي كمان
ReplyDeleteعملتي ايه في الامتحانات ؟؟
جميلة!
ReplyDeleteحزينة شوية.. فكرتني بالعمر اللي بيسرسب واحنا قاعدين زيها كده.. بننتظر..
حلو قوي تعبير "تقتل به الوقت.. أو يقتلها".. بس يعني إيه "كتاب لا ينتهي"؟
تقصدي لا يتغير؟
والصورة تحفة فعلا..
تحياتي
الصورة جميلة
ReplyDeleteوالكلمات موحية
والموسيقى ولا أروع
كل شيء كان يؤسر قلبي
إلى الأمام دائما
الانتظار رحلة الانسان الدائمة في الحياة .
ReplyDeleteيمكن من غيرها تفقد نصف احداث الدنيا معانيها ..
تحيتي
حمد الله ع السلامة يا موكا
ReplyDeleteبجد الكلام ده جميل أوى
والصورة عجبتنى جداً
بس ياترى هتفضل مستنية كده (لعشرين أخرى) فعلاً؟؟؟
انا اول مرة ازورك يا ملكة , لا التانية انا مبسوطة كتير اني عديت عليكي ان من احلي الناس اللي قريت ليهم واول مرة اعرف انك بتكتبي شعر حلو كدة وتعليقي علي المدونة كلها
ReplyDeleteدعاءفتوح
ما اصعب الانتظار وما احلى اللقاء
ReplyDeleteوليس اجمل من انتظار الاحباب الا لقائهم
وليس اجمل من رفض الاحباب الا قبولهم
كل الصعب من الحبيب يطيب لى
البوست جميل جدا جدا
تحياتى
آخر كمان مرة
ReplyDeleteوانا برضو هقول لحد يمشي؟
بيتك ومطرحك يافندم:)
وبعدين تجر شكل البنت ليه بس؟
دي طيبة وغلبانة وعلى نياتها
وهي اللي كسرت قاعدة"قصيرة ومكيرة" اياها
هي قصيرة أه بس مش مكيرة اطلاقا مطلقا:D
ولعلمك
أنا اجدع واحدة تنشر الغسيل
بس بكره عمى إني أطبقه:S
و أخيراً
ابقى طخه بس ما تموتوش يابوي:D
هدى
ReplyDeleteإنتِ أجمل
لكن
ليه توقفت عن فعل الانتظار؟
يمكن لقيتي فعل أحسن تستثمري وقتك فيه
أتمنى تكوني لقيتي:)
دمتِ بود ياهدهود
شادي
ReplyDeleteربنا يفك الملخبط كله يادكتور
وبلاش سيرة الامتحانات
على رأي الست
اللي فات ننساه
ننسى كل قسااااااااه
وتحديدا قساه ده
نورتني:)
دافنشي
ReplyDeleteالعمر مش بيتسرسب
احنا اللي بنفتح ايدينا وبنسيبه يقع منها بإرادتنا
اما الكتاب فمش بيتغير لأن هي مش بتقراه أصلا
بيحصل انك تفتح صفحة كتاب وتسرح بعيد ومتقراش حاجة من اللي ادامك
بتستعمل الصفحة مراية لأفكارك وتأملاتك وهواجسك
وطبيعي أوي إن تفضل بالشكل ده تقرا في كتاب إلى ما لا نهاية!
تحياتي كتير ليك وميرسي ع التاج:)
الشفافية
ReplyDeleteجميل
وهو المطلوب تحقيقه ثم اثباته
أتمنى أشوفك هنا دايماً إن شاء الله
محمد العدوي
ReplyDeleteI couldn't agree more:)
لولا الانتظار ما وصلنا
تحيتي ليك يافندم
يوتا
ReplyDeleteالله يسلمك ياحبيبتشي والنبي ليكي وحشة كبيييرة
بصراحة ده رهن بالنافذة الأمامية
يمكن ده ضعف؟
او انسياق مع أمل أضعف من أول ضوء للنهار
لكن
هتستنى
عشان حاجة تستاهل بالشكل ده لازم نسنتناها
عايزة ابقى اشوفك يابت بقى
واحشاني كتيير:)
دعاء
ReplyDeleteايه المفاجأة الرائعة دي؟
بجد مفاجأة جميلة أوي ربنا يخليكي ليا يارب
كلامك فرحني أوي خاصة لما يكون منك انتي بالذات
ربنا يسعدك قد ما أسعدتيني النهاردة وكل يوم
نورتيني يادعاء ويارب يكون فيه مرة تالتة كمان:)
ممكن
ReplyDeleteكل اللي اتقال موافقة عليه مليون في المية
لكن ازاي رفض الأحباب جميل؟؟
مش عارفة أستوعبها
أو ربما أنا لسة موصلتش لمرحلة استعذاب الرفض!
زيارتك أسعدتني بس يرب متكونش الأخيرة:)