نزيهة صحيت الصبح في مرة
لقت الدنيا كلها بتتكلم عنها
في الجرايد
"الانتخابات لابد وان تكون نزيهة"
في التلفزيون
"الاشراف القضائي لتحقيق انتخابات نزيهة"
وحتى في الشارع:ـ
نزيهة استغربت جدا من اللي بيحصل ده
وقالت أنا لازم أفهم هو فيه ايه في البلد وليه سيرتي بقت على كل لسان زي اللبان
نزيهة خدت مكروباص ولسة بتدفع الخمسين قرش لقت السواق بيقولها الاجرة 75
نزيهة بصت له وسكتت وطلع الربع جنيه بأدب واديتهوله
بعد شوية السواق متحركش
نزيهة اتكسفت تسأله احسن يزعل ولا حاجة
سألت الراجل اللي جنبها
قالها انه مستني الأذن من أمين الشرطة عشان يصبح عليه
نزيهة مفهمتش ايه المشكلة يعني لما السواق يصبح على الأمين وهو راجع
نزيهة سكتت وحطت مناخيرها في الشباك جنبها عشان ريحة السجاير بتاعة السواق
بعد ساعتين السواق وصل لحد شارع الجامعة وقال للركاب انزلوا كملوها مشي للجيزة
نزيهة عملت زي الباقيين ونزلت تمشي
نزيهة بصت فوق محل عمر أفندي لقت يافطة بتقول
نؤيد الرئيس
نزيهة بعد نص ساعة لف في الجيزة وبعد عينيها ما اتعمت من كتر قراية يفط النزاهة
نسيت هي كانت رايحة الجيزة ليه
نزيهة اخيراً قررت انها تروح القسم عشان تعمل محضر
للناس اللي اخدوا اسمها ومرطرطينه على كل حتة وكل لون
نزيهة راحت القسم و قالت للظابط اسمها
نزيهة مبقتش نزيهة بعد اليوم ده
نزيهة بقى اسمها دلوقتي:ـ
سلام عليكم
ReplyDeleteايه يا ملكة .. هو انتي أول مرة تعرفي ؟ .. انا كلمت نزيهة من فترة وهي قالت لي هاتروح تغير اسمها في السجق المدني وهاتخليه كوسة .. بس طمنتني أن الناس لسة هايفضلوا يندهوا عليها بإسمها القديم
نزيهة هنا
ReplyDeleteونزيهه هناك
وتعرفي
حتى لو كانت نزيهة
ربنا يعافينا ويخليها نزيهة لحد الاخر
وحسبنا الله ونعم الوكيل
نزيهة جالها عقد عمل وسابت البلد من زمان .. انتي أكيد ما أخدتيش بالك بس . تلاقي اللي انتي بتتكلمي عنها دي اختها التوأم فكيهة.
ReplyDelete:-)
هههههه
ReplyDeleteبجد إفيه مش جديدإوي
بس انت عملاه صح
على فكرة هي مش لوحدها
اللي غيرت إسمها
شرف
كمان غير اسمه
انتى بنت زى العسل ودمك خفيف موت بس مش الحل انها تغير اسمها انا شايفه انها تولع في البلد احسن مش كده
ReplyDeleteانتى بنت زى العسل ودمك خفيف موت بس مش الحل انها تغير اسمها انا شايفه انها تولع في البلد احسن مش كده jaleo speaking
ReplyDeleteلا نزيهة ماتت من زمان الله يرحمها لدرجة انى نسيتها كانت عاملة ازاى نزيهة دى
ReplyDeleteمهاب بيه
ReplyDeleteعليكم السلام
وهكذا هو الشعب المصري الاصيل
ثوري من نوع خاص
كوسة كوسة بس برضو هتفضل نزيهة
بس بلاش حكاية السجق المدني دي
الواحد جعان اصلا مش طالبة يعني
صوباع الخيييير
زحل الفلكي
ReplyDeleteيا أهلا وسهلا يامراحب
ربنا يقومها ويقومنا بالسلامة جميعا
وتحيا نزيهة طول ما هي نزيهة
نورتني يافندم
معاذ
ReplyDeleteياراجل؟جالها عقد عمل؟
يا بختها
ماتوصيها علينا ياعم معاذ يمكن تجيبلنا معاها عقد لموريتانيا ولا حاجة واهو يابخت من نفع واستنفع
ربما اللي بتكلم عنها دي فكيهة اه او يمكن بنت عمهم"وطنية":D
نورت يافندم
الاستاذ عز
ReplyDeleteمهو الافيه طبعا مش جديد
بقاله كدة بتاع تسع ست سنين بس:D
أو يعني تقريبا بقاله 25 سنة وشويتين
بس صحيح الحاج شرف غير اسمه لايه؟
"موافق"
؟؟
مشكرة على الرد يافندم تسلم الايادي
جيليو
ReplyDeleteيارب يخليكي يارافعة معنوياتي دايما
هو انا برضو أرجح نفس الحل
طبقاً للمقولة الشهيرة
اياكش تولع
تسلمي على الرد يابوبة،نورتيني
محمد
ReplyDeleteلا والله؟
حدش قاللي يعني انها انتقلت للرفيق الاعلى
يلا كلنا لها
وبعدين ما انت ليك حق برضو تنسى شكلها ايه؟
يابني هي مختفية اساسا من قبل ما احنا نتولد
مشكريين على الرد يافندم،منجيلكش في حاجة وحشة:)
ايه الابداع ده
ReplyDeleteطبعا مينفعش اقول كلنا نزيهة
بس اقد اقول ان نزيها بتبوس ايديكى وش و ضهر و بتقولك تسلمى يا فاضحاهم
و لو ان نزيهة ياعينى بعد ما غيرت اسمها كده اتمرمطت اكتر
انا شايفه انها تعمل عملية و تتحول لبرعى يمكن تفلح
:)
برعي يا ياسمين؟
ReplyDeleteوتشتغل فين؟وتجييب فلوس تتجوز بيها منين؟وتصرف على البيت منين؟
ياشيخة ده وهي نزيهة أرحم